Xelq'ara qelemkeshler birleshmisining qurultiyida eng asasliq téma “Ilham toxti” boldi

Muxbirimiz gülchéhre
2014.10.14
Share on WhatsApp
Share on WhatsApp
ilham-toxti-uchun-qoyulghan-orunduq.JPG Qelemkeshler qurultiyi sehnisidiki ilham toxti üchün qoyulghan orunduq. 2014-Yili 2-öktebir, bishkek.
RFA/Azad

Xelq'ara qelemkeshler birleshmisining 80-nöwetlik qurultiyi 29-séntebirdin 2-öktebirgiche qirghizistan paytexti bishkekte ötküzülgen idi. Qurultayda xitay soti teripidin muddetsiz qamaq jazasigha höküm qilin'ghan Uyghur ziyaliy ilham toxti üchün mexsus bir bosh orunduq qoyulghan bolup, ilham toxtining sizma resimi qoyulghan bir simwolluq orunduq, töt kün dawam qilghan bu xelq'araliq yighin pa'aliyetliride, bashtin-axiri yighin sehniside turghan.

Xelq'aradiki qelemkeshlerning bu dunyawi yighilishini axirlashturup shiwétsiyege qaytip kelgen, xelq'ara qelemkeshler teshkilati til we terjime hoquqi komitéti re'isi qeyser özhun ependi ziyaritimizni qobul qilip, kommunistik xitay hakimiyitining Uyghur ziyaliy ilham toxtini bölgünchilik bilen eyiblep, muddetsiz qamaq jazasigha höküm qilishi we uning erkinlik mesilisining, xelq'ara qelemkeshler birleshmisining 80 ‏- qurultiyida kün tertipke kirgen asasliq téma bolghanliqini bildürdi.

Qeyser ependi yene, xelq'ara qelemleshler birleshmisining 80-qurultiyida Uyghurlargha munasiwetlik otturigha qoyulghan asasliq mesililer we élin'ghan muhim qararlar hemde özining qurultay tesiratliri heqqidimu toxtaldi.

Awaz ulinishidin, muxbirimizning qeyser ependi bilen ötküzgen söhbitini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.