Ilham toxti türkiye dölet téléwiziyiside anglitildi

Ixtiyariy muxbirimiz erkin tarim
2016-10-31
Élxet
Pikir
Share
Print
Türkiyening t r t awaz téléwiziyiside bériliwatqan "Türkistan gündemi" mawzuluq programmisida ilham toxti we uning a'ilisi tonushturulmaqta. 2016-Yili 29-öktebir.
Türkiyening t r t awaz téléwiziyiside bériliwatqan "Türkistan gündemi" mawzuluq programmisida ilham toxti we uning a'ilisi tonushturulmaqta. 2016-Yili 29-öktebir.
RFA/Erkin Tarim

Martin ennalis insan heqliri mukapatining sahibi, Uyghur ziyaliysi ilham toxtining tughulghan küni munasiwiti bilen türkiyening türk dunyasigha tarqitiwatqan t r t awaz téléwiziyiside bériliwatqan "Türkistan gündemi" yeni türkistanning kün tertipi mawzuluq programmisida uninggha mexsus orun berdi. Her shenbe küni chüshtin kéyin sa'et 3 yérimde tarqitilidighan 45 minutluq programmining 29-öktebirdiki sanida ilham toxtining ish izliri, türmige qamilish sewebliri, a'ilisining hazirqi ehwali, u érishken mukapatlar, Uyghurlarning ilham toxtigha bolghan köz qarishi we Uyghurlarning hazirqi weziyiti, türkiye-xitay munasiwitide Uyghur mesilisi qatarliqlar anglitilghan. Programma riyasetchisi doktor fahri solaq ependi, Uyghur xewer we tetqiqat merkizi mudiri hamut göktürk ependidin bu heqte so'al soridi. 29-Öktebir küni chüshtin kéyin neq meydandin tarqitilghan programmida yene, hamut göktürk ilham toxtining maqale we bayanatlirini türk tiligha terjime qilip élan qilghan "Yolum we ghayem" namliq kitab toghrisidimu melumat berdi.

Mezkur programma: "Uyghur akadémik we insan heqliri pa'aliyetchisi ilham toxtining küreshliri türkistanning kün tertipi programmisida, doktor fahri solaq ependi riyasetchilik qilghan türkistanning kün tertipi programmisi t r t awaz qanilida" dep bashlandi.

Arqidin hamut göktürk ependi ilham toxtining hayat terjimihali toghrisida melumat bergendin kéyin, uning insan heqliri küreshliri toghrisida melumat berdi.

Biz programma toghrisida tepsiliy melumat igilesh üchün hamut göktürk ependi bilen téléfon söhbiti élip barduq. U, türkiye dölet téléwiziyiside tunji qétim ilham toxti toghrisida programma tarqitilghanliqini bayan qildi.

Hamut göktürk ependi t r t awaz téléwiziyiside tarqitilghan türkistan küntertipi programmisining riyasetchisi doktor fahri solaq ependi sorighan so'allar we özi bergen jawablar toghrisida melumat berdi. U, programmining axirida Uyghurlarning hazirqi weziyiti toghrisidimu melumat bergenlikini bayan qildi.

Hamut göktürk ependi yéqindin béri, Uyghur mesilisi türkiyening kün tertipidin chüshüp qalghan bolsimu, yene qaytidin janlinishqa bashlighanliqini ilgiri sürdi.

Toluq bet