D u q rehberliri oksford uniwérsitétidiki "Insan heq - hoquqliri we diplomatiye" kursigha qatnashmaqta

Ixtiyariy muxbirimiz erkin tarim
2016-01-14
Share
dolqun-eysa-oxford-kurs.jpg Okusfort uniwérsitétida chaqirilghan "Insan heq - hoquqliri we diplomatiye" mawzuluq kursta d u q ijra'iye komitéti re'isi dolqun eysa ependi doklat bermekte. 2016-Yili yanwar, en'gliye.
RFA/Erkin Tarim

En'gliyening oksford shehiridiki oksford uniwérsitétida chaqirilghan "Insan heq - hoquqliri we diplomatiye" mawzuluq kursqa dunya Uyghur qurultiyi ijra'iye komitéti re'isi dolqun eysa ependi bilen yashlar komitéti re'isi gheyur qurban qatnashmaqta. Mezkur terbiyelesh kursini oksford uniwérsitéti, wakaletsiz milletler teshkilati, tibet adalet merkizi qatarliq organlar birlikte uyushturghan bolup, yighin'gha wakaletsiz milletler teshkilatigha eza milletlerdin wekiller qatnashmaqta.

"Insan heq - hoquqliri we diplomatiye" mawzuluq terbiyelesh kursida amérika we yawropa döletliridin kelgen mutexessisler ders bergendin sirt, herqaysi milletlerning wekilliri öz dawasini anglitishtiki qiyinchiliqlar we bu qiyinchiliqlarni hel qilishning yollirini anglatqan. Biz, bu insan heqliri we diplomatiye jehettin terbiyelesh kursi toghrisida téximu tepsiliy melumat igilesh üchün neq meydan'gha téléfon qilip, dolqun eysa we gheyur qurbanlar bilen söhbet élip barduq.

Dolqun eysa ependi "Insan heq - hoquqliri we diplomatiye" mawzuluq terbiyelesh kursida insan heqliri depsendichilikini diplomatiyelik yollar bilen qandaq anglitishni ögitiwatqanliqini, özining birleshken döletler teshkilatida Uyghur mesilisini anglitish ehwali we qiyinchiliqlar toghrisida doklat bergenlikini, bashqilarning Uyghur mesilisige nahayiti qiziqqanliqini bayan qilip ötti.
Gheyur qurban ependi bu terbiyelesh kursida, dunya Uyghur qurultiyining 2-3 yildin béri, Uyghur mesilisini jenwediki birleshken döletler teshkilatida anglitishining qanchilik muweppeqiyetlik bolghanliqini yene bir qétim tonup yetkenlikini, bu muweppeqiyetlerni bashqa millet we ammiwi teshkilatlar bilen ortaqlishish pursitige ige bolghanliqini, bu heqte d u q qolgha keltürgen netijilerni anglap intayin xursen bolghanliqini bayan qildi.

"Insan heq - hoquqliri we diplomatiye" mawzuluq terbiyelesh kursi ikki kün ötküzülidighan bolup, 15-yanwar küni axirlishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet