Kök bayraqning séymasi xitay diplomatlirini bi'aram qildi

Ixtiyariy muxbirimiz ekrem
2014-01-30
Élxet
Pikir
Share
Print
Xitay konsulxanisi aldigha tikilgen ay yultuzluq kök bayraq süpitidiki kök chédir. 2013-Yili 10-dékabir, myunxén.
Xitay konsulxanisi aldigha tikilgen ay yultuzluq kök bayraq süpitidiki kök chédir. 2013-Yili 10-dékabir, myunxén.
RFA/Ekrem

Gérmaniyening myunxén shehiridiki xitay konsulxanisi yénigha toxtitilghan ay yultuzluq kök bayraq süpitidiki chédir we kozup xitayning étirazini qozghidi. Gérmaniye saqchiliri Uyghur teshkilat wekilliri bilen xitay konsuli arisida muresse qilishqa mejbur boldi.

Bash shtabi myunxén shehiride bolghan yawropa sherqiy türkistan birliki teshkilati teripidin yasap chiqilghan ay yultuzluq kök bayraq süpitidiki teshwiqat chédiri we kök bayraq séymasini alghan bir kozup 2013-yili 10-dékabirdin étibaren myunxéndiki xitay konsulxanisi yénigha toxtitilghan idi. Teshkilat re'isi enwerjan ependining bügün bergen melumatigha qarighanda, aldinqi künliri xitay konsulxana xadimliri myunxéndiki Uyghur teshkilatining öz konsulxanisi etrapida muqim yer igilep, xitaygha qarshi teshwiqat pa'aliyetlirini izchil dawamlashturushigha bolghan naraziliqlirini gérmaniye hökümet da'irilirige ipadiligen. Buning bilen saqchi terep Uyghur wekilliri bilen söhbet ötküzüp, arida muresse qilishqa mejbur bolghan.

Biraq, xitayning naraziliqi ünüm bermigen. Gérmaniye saqchi da'iriliri ay-yultuzluq kök bayraq simasidiki kozupni tekshürüp körüp mesile bayqimighandin kéyin, Uyghur teshkilatlirining öz pa'aliyetlirini dawamlashturush heqqi barliqini tonup kétip qalghan. Enwerjan ependining éytishiche, 29-yanwar küni gérmaniye saqchi da'iriliri uning bilen yene bir qétim körüshüshni iltimas qilghan. Körüshüsh netijiside, saqchi terep xitayning chaghan bayrimining aldi-keynidiki bir qanche künde, ay yultuzluq kök bayraq simasidiki kozupni xitay konsulining yénidin yiraqraq yerge yötkep turushni ötün'gen. Xitayning néme üchün gérmaniye hökümitige tekrar naraziliq bildürgenlikining sewebi heqqide toxtalghan enwerjan ependi, Uyghur teshkilatlirining xitaygha qarshi qollan'ghan bu xil teshwiqat heriketlirining heqiqetenmu ünüm bergenlikini tilgha aldi.

Enwerjan ependining eskertishiche, 5-féwral küni xitay konsulxanisi aldida ghulja weqesining 17 yilliq xatire küni munasiwiti bilen keng kölemlik namayish élip bérilidiken. Ay yultuzluq kök bayraq simasidiki kozup öz yéride turghandin sirt, ay yultuzluq kök bayraq süpitidiki chédir xitay konsulxanisi aldigha qayta tikilidiken.

Toluq bet