Aqsu bayda 10 mingche ademning nöwette turuwatqanliqi, 50 mingche ademning gumandarlarni izdeshke qatnishiwatqanliqi melum

Bay kömürkan hujumini éniqlash üchün aqsu baygha barghan chet'el muxbirliri xewerliride özlirining weqe yüz bergen térek bazarni ziyaret qilishigha ruxset qilinmighanliqini bayan qilghan we shuning bilen birlikte bay nahiyisi tewelikide omumiy weziyetning jiddiyliki, etrapning charlighuchi we nöwetchiler bilen tolghanliqini ashkarilighan idi. Muxbirimiz bu melumatqa asasen bayda nöwette qoghdash we charlashta wezipe ötewatqan kishilerning sani heqqide éniqlash élip bardi. Kanchi yéza 1-kent sékrétarining ashkarilishiche, kömürkan hujumi yüz bergendin buyan mezkur kentte 120 kishi, kentning ishxana, meschit we mekteplerde qoghdash xizmiti bilen nöwette turmaqta. Kent boyiche 150din artuq, kishi tagh baghri we yéza tewelikide dawam qiliwatqan charlashqa qatnashmaqta.

Énsiklopidik melumatlargha asaslan'ghanda bay nahiyisi 14 yéza-bazardin teshkillen'gen؛ her bir yéza-bazar 15 etrapida kent we meydandin teshkillen'gen. Bu boyiche hésablighanda bay nahiyiside 250 din artuq kent we meydanda bar. Buningdin qarighanda nöwette bay nahiyisi boyiche jem'iy 10 mingche kishining nöwette turuwatqanliqi, 50 mingche kishining charlashqa qatnishiwatqanliqi perez qilinmaqta.

Yuqiridiki awaz ulinishidin programmining tepsilatini anglighaysiler.