Li kéchyangning yawropa ziyaritige qarshi sadalar kücheymekte

Ixtiyariy muxbirimiz ekrem
2017-05-31
Share
li-keqiang-kechyang-Angela-Merkel.jpg Gérmaniye bash ministiri an'géla mérkél xitay bash ministiri li kéchyangni kütüwélish murasimida dölet marshi chélinishtin burun. 2017-Yili 31-may, bérlin.
AFP

Xitay bash ministiri li kéchyangning yawropa ziyariti munasiwiti bilen d u q, ilham toxti guruppisi we xelq'ara teshkilatlar inkas bildürdi.

Xitay bash ministiri li kéchyangning yawropa ziyariti munasiwiti bilen 22-may küni kishilik hoquqni közitish teshkilati qatarliq 16 teshkilat ochuq xet élan qilip, yawropa birlikidin xitaydiki kishilik hoquq depsendichilikige ünümlük inkas bildürüshni telep qilghan idi. 29-May küni d u q hemde ilham toxti guruppisimu ayrim-ayrim halda gérmaniye dölet rehberliri we yawropa birliki rehberlirige ochuq xetler yollap, Uyghurlar mesilisige köngül bölüshni telep qildi.

Yawropa birliki bilen xitay otturisida 1999-yili bashlan'ghan bashliqlar söhbitining 19-nöwetliki üchün yawropa ziyaritini bashlighan li kéchyang, 5-ayning axirqi künliri gérmaniyede ziyarette boldi. U 6-ayning 2-künigiche 19-nöwetlik bashliqlar söhbiti üchün yawropa birlikide bolatti. D u q, tibet teshkilatliri we xelq'ara kishilik hoquq organliri biryussélda li kéchyanggha qarshi namayishlar ötküzüshke teyyarlanmaqta.

Bu munasiwet bilen bügün ziyaritimizni qobul qilghan d u q bash katipi dolqun eysa ependi, aldi bilen kishilik hoquqni közitish teshkilati bashchiliqidiki 16 teshkilat élan qilghan birleshme bayanat heqqide chüshenche berdi. U sözide, bu birleshme ochuq xetning mezmuni heqqidimu izahat bérip ötti.

Ilham toxti guruppisining re'isi eniwerjan ependimu li kéchyangning yawropa ziyariti munasiwiti bilen öz teshkilati namidin gérmaniye bash ministiri anjila merkilge we yarupa birliki rehberlirige yazghan xetliridin melumatlar berdi.

D u q bash katipi dolqun eysa ependi qurultay namidin éla qilghan ochuq xétining Uyghurlarning nöwettiki weziyiti bilen zich munasiwetlik ikenlikini ilgiri sürdi. Eniwerjan ependi bolsa, künséri yamanlishiwatqan Uyghur weziyitini tekitlesh bilen birge, Uyghurlarning kishilik hoquq mesilisinimu otturigha qoyghanliqini tilgha aldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.