Норвегийәдики уйғурлар ослодики хитай әлчиханиси алдида намайиш қилди

Ихтиярий мухбиримиз еһсан
2016-10-03
Share
norwegiye-1-oktebir-namayish.jpg Норвегийәдики уйғурлар норвегийә пайтәхти ослодики хитай әлчиханиси алдиға топлинип наразилиқ намайиш өткүзди. 2016-Йили 1-өктәбир.
RFA/Éhsan

Норвегийәдики уйғурлар 1-өктәбир хитайниң дөләт байрими мунасивити билән норвегийә пайтәхти ослодики хитай әлчиханиси алдиға топлинип наразилиқ намайиш өткүзди.

Бу намайишни норвегийә уйғур комитети билән уйғур ислам мәдәнийәт мәркизи һәмкарлишип өткүзгән болуп, намайиш 1-өктәбир күни шу йәр вақти: 12:00дә башлинип 14:00 дә аяғлашти.

Намайишқа осло вә әтраптики шәһәрләрдин болуп көп санда киши қатнашти.

Хитай даирилириниң уйғур диярида өзиниң дөләт байримини мәҗбурий тәбриклигүзүш вә шуниңға мунасивәтлик төвәндикидәк учурлар арқилиқ тәшвиқ қилиш мәқситигә йәтмәкчи болғанлиқи оттуриға чиқти. Үндидар топлирида тарқатқан учурлар муһаҗирәттики уйғурларниң наразилиқини қозғиди.

Учурда мундақ дейилгән: "вәтәнсиз қалғанларниң һәр қандақ йәрдә һөрмити болған әмәс, вәтинимизниң биз үчүн яхши сиясәтләрни яритип ач-ялиңач вә сәргәрдан болуштәк ақивәтләрдин сақлап, тинч муһитта хатирҗәмлик ата қилғанлиқидин сөйүнәйли вә қәдирләйли, вәтини парчилинип сүргүн қилиниватқан вә сәргәрдан болуватқан кишиләрму аз әмәс қериндашлар, инақлиқ-иттипақлиқни өзимиздин башлап вәтинимизниң тәрәққиятиға бир кишилик һәссимизни қошайли. Җуңго арзуси һәммимизниң ортақ арзуси болсун"дегән учурни улап тарқатқан.

Муһаҗирәттики уйғурлар болса даириләрниң мундақ хилдики учур вә тәшвиқатни күчәйтиш арқилиқ уйғурларни роһи җәһәттин чүшкүнләштүрүш вә үмидсизләндүрмәк мәқситигә йәтмәкчи дәп қаримақта.

Норвегийә уйғур комитетниң рәиси ниғмәт турсун әпәндим зияритимизни қобул қилип, хитайниң дөләт байрими күни намайиш қилип наразилиқ билдүрүшниң әһмийити һәққидә тохталди.

Норвегийәдә яшаватқан зиялий қарахан әпәндим өзниң намайиш һәққидики тәсиратини ипадилиди.

Норвегийә ислам мәдәнийәт мәркизиниң мәсули өмәр һаҗим хитай даирилириниң уйғур дияридики уйғурларни мәҗбурий һалда дөләт байримини тәбриклигүзиватқан әһвалда чәтәлдики уйғурларниң шуларниң авазини хитай әлчиханилири алдида аңлитишниң муһим икәнликини тәкитлиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт