Pakistanliqqa tekken Uyghur ayal a'ile zorawanliqigha uchridi, qéyin'akiliri teripidin görüde tutulmaqta

Bu yil 40 nechche yashqa kirgen asiye kérim, 20 yilning aldida bir pakistanliqqa toy qilghan chéghida, özining bügünki künlükte pakistanning chet yézisidiki bir öyde éghiz - burni qan'gha milen'gen, bir béliki sun'ghan halette yighlap olturushini belkim texminmu qilmighan. Yoldshi 5 yilning aldida 18 yilliq késilgen, özi nöwette qéyin'akiliri teripidin pakistanning pishawur wilayitide görüde tutup turuliwatqan asiye kérim bügün radiyomiz ziyaritini qobul qilip, béshigha kelgen paji'e we nöwettiki ehwali heqqide melumat berdi.

Nöwette 4 balisini élip pakistandin yurti korligha qaytip kétishning koyida boluwatqan asiye kérimge pakistandiki xitay elchixanisimu ige chiqmighan؛ u pakistandin, jömlidin qamilip turuwatqan üyidin aman - ésen qutulup chiqish we yurtigha qaytiwélish üchün muhajirettiki Uyghur jama'iti we teshkilatliridin ümid kütmekte.

Yuqiridiki awaz ulinishidin muxbirimiz shöhret hoshurning bu heqte teyyarlighan programmisining tepsilatini anglaysiler.