Uyghur pa'aliyetchi: pakistanda Uyghur mesilisini izchil anglitimiz
2015.08.21
Pakistanda yashawatqan Uyghurlarmu bashqa ellerdiki Uyghurlargha oxshashla Uyghur dawasini anglitishqa tiriship kelgen bolsimu, pakistan hökümiti xitay da'irilirining chishigha tégip qoymasliq üchün Uyghur kishilik hoquq pa'aliyetchilirining heriketlirige izchil tosqunluq qilip kelgen.
Qanun da'iriliri bir qisim Uyghur kishilik hoquq pa'aliyetchilirining herikitini nazaret qilip, ularni “Térrorluq teshkilatlar bilen alaqisi bar” dep uzun muddet közetken, gumanlan'ghan, hetta bezide teqib astigha alghan. Uningdin bashqa xitay elchixanisimu ularning weten ichidiki uruq tughqanlirini yoqlap kélishige wiza bermigen.
Bügün ziyaritimizni qobul qilghan pakistandiki musteqil Uyghur kishilik hoquq pa'aliyetchisi abduqéyum ependim da'irilerning türlük siyasiy bésimlirigha duch kelgen bolsimu, emma weten dawasini jümlidin Uyghur mesilisini pakistan musulmanlirigha shundaqla shu yerdiki Uyghurlargha izchil anglitip kelgenlikini we buningdin kéyinmu bu pa'aliyetlirini üzlüksiz dawamlashturidighanliqini bildürdi.
Yuqiridiki awaz ulinishi arqiliq abduqéyum ependi bilen ötküzgen téléfon söhbitimizni anglighaysiz.