Пәйзиват теримда икки уйғурни етиветиш вәқәсиниң бир қисим тәпсилати ашкариланди

Мухбиримиз шөһрәт һошур
2016-01-08
Елхәт
Пикир
Share
Принт
Сақчилар уйғур баққалға оқ чиқирип яриландурған көрүнүш. 2013-Йили сентәбир, үрүмчи.
Сақчилар уйғур баққалға оқ чиқирип яриландурған көрүнүш. 2013-Йили сентәбир, үрүмчи.
Social Media


Торда тарқалған пәйзиватниң терим йезисидики мәсчит алдида икки уйғурниң бир сақчи тәрипидин етиветилгәнлик хәвири дәлилләнгәндин кейин, мухбиримиз вәқәниң тәпсилати һәққидә давамлиқ һалда мәлумат игилиди, нәтиҗидә вәқәниң терим йезисидики 5 - кәнт мәсчит алдида йүз бәргәнлики, вәқәгә сақал қойған икки нәпәр яшниң мәсчиткә кириштин тосулуши вә буниңдин келип чиққан талаш - тартишниң сәвәб болғанлиқи ашкариланди.

Мәлум болушичә, вәқәдә өлгән икки нәпәр яш 25 - 30 яшлар арисида, вәқә садир қилған сақчи 30 - 35 яш арисида болуп, бу вәқәниң учуриму даириләр тәрипидин қаттиқ контрол қилинған. Вәқәдин хәвәрдар кишиләр вәқәдә сақчиларниң алдирап оқ чиқарғанлиқини вә икки нәпәр яшқа увал болғанлиқини илгири сүрмәктә.

Буниңдин бир йерим ай аввал йүз бәргәнлики илгири сүрүлгән бу вәқәниң учуриму худди илгирики вәқәләрдәкла даириләр тәрипидин қаттиқ қамал қилинған, шуңа вәқә садир қилған сақчиниң қандақ бир тәрәп қилинғанлиқи йәни мукапатланған яки җазаланғанлиқи һазирчә мәлум әмәс.

Пикирләр (0)
Share
Толуқ бәт