Peyziwat térimda ikki Uyghurni étiwétish weqesining bir qisim tepsilati ashkarilandi

Muxbirimiz shöhret hoshur
2016-01-08
Share
uyghur-baqqal-saqchi-oq.jpg Saqchilar Uyghur baqqalgha oq chiqirip yarilandurghan körünüsh. 2013-Yili séntebir, ürümchi.
Social Media


Torda tarqalghan peyziwatning térim yézisidiki meschit aldida ikki Uyghurning bir saqchi teripidin étiwétilgenlik xewiri delillen'gendin kéyin, muxbirimiz weqening tepsilati heqqide dawamliq halda melumat igilidi, netijide weqening térim yézisidiki 5 - kent meschit aldida yüz bergenliki, weqege saqal qoyghan ikki neper yashning meschitke kirishtin tosulushi we buningdin kélip chiqqan talash - tartishning seweb bolghanliqi ashkarilandi.

Melum bolushiche, weqede ölgen ikki neper yash 25 - 30 yashlar arisida, weqe sadir qilghan saqchi 30 - 35 yash arisida bolup, bu weqening uchurimu da'iriler teripidin qattiq kontrol qilin'ghan. Weqedin xewerdar kishiler weqede saqchilarning aldirap oq chiqarghanliqini we ikki neper yashqa uwal bolghanliqini ilgiri sürmekte.

Buningdin bir yérim ay awwal yüz bergenliki ilgiri sürülgen bu weqening uchurimu xuddi ilgiriki weqelerdekla da'iriler teripidin qattiq qamal qilin'ghan, shunga weqe sadir qilghan saqchining qandaq bir terep qilin'ghanliqi yeni mukapatlan'ghan yaki jazalan'ghanliqi hazirche melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet