Qaraqash kent amanliq mudiri: aka-uka gumandarlardin akisi bir yil qamaqta yatqan, inisining pasporti tartiwélin'ghan

Muxbirimiz shöhret hoshur
2017-01-02
Élxet
Pikir
Share
Print
Xelq baghchisi yénidiki awat bazarda bomba bilen hujum qilish weqesi yüz bergen. 2014-Yili 22-may, ürümchi.
Xelq baghchisi yénidiki awat bazarda bomba bilen hujum qilish weqesi yüz bergen. 2014-Yili 22-may, ürümchi.
EYEPRESS NEWS

Muxbirimizning qaraqash partkom binasigha hujum qilish weqesining tepsilati heqqidiki éniqlashliri dawamida, weqede rol alghan aka-uka gumandarlardin akisining burun heqsiz bir yil qamaqta yatqanliqi, inisining ikki ay awwal pasporti tartiwélin'ghanliqi aydinglashti. Bu pakitlarni ashkarilighan jüme bazar kent amanliqi mudiri, gumandarlarni heriketke keltürgen qozghatquch sewebler heqqide hazirche bir néme déyelmeydighanliqini, eger perez qilishqa toghra kelse, yuqiriqi ikki pakitni eske alidighanliqini bildürdi.

28-Dékabir küni yüz bergen qaraqash partkomgha hujum qilish weqesining tepsilatini éniqlishimiz dawamida, ahalilerdin biri aka-uka gumandarlardin toxtimemet tursunniyazning buningdin 11 yil awwal sewebsiz halda tutqun qilin'ghanliqini we qamaqxanigha ekitilip 6 ayghiche soraqmu qilinmighanliqini bayan qildi. Uning yene bayan qilinishiche, toxtimemet tursunniyaz gunahsizliqi aydingliship qoyup bérilgendin kéyin qamaqxanida körgen-bilgenliri heqqide qolum- qoshnilirigha achchiq we tesirlik hékayilerni sözlep bergen؛ hetta bir qétimda, men qamaqta yatmidim, uniwérsitétni püttürdüm, dep kinaye qilghan. U shu yillarda özining bir yil heqsiz qamaqxanida yétish arqiliq yéngi bir adem bolup chiqqanliqini bayan qilghan. Uningdiki mushu naraziliq keypiyatigha asasen da'iriler u we uning uruq-tughqanlirini nuqtiliq a'ile qilip békitken we nazaret astigha alghan. Ahalilerdin biri bayan qilghan bu uchurning toghriliqini jümebazar kent amanliq mudirimu delillidi.

Bu amanliq mudirining bayan qilishiche, aka-uka gumandarlardin inisi nurmemet tursunniyazning ilgiri héchqandaq jinayet xatirisi bolmighan. U bu yilning béshida xotende déhqanlargha pasport béjirip bérish belgilimisi chiqirilghanda dostliri qatarida bérip pasport alghan, emma uzun ötmey pasportlar yighiwélin'ghan. Melum bolushiche, jümebazar kentidinla 39 kishining pasporti yighiwélin'ghan. Nurmemet tursunniyaz pasportini saqlap qélishqa tiriship baqqan we axiri amal bolmighanda qayturup bergen.

Amanliq mudiri déloning saqchilar teripidin tekshürülüwatqanliqini we tepsilatining özlirige bildürülmeywatqanliqini ashkarilidi we ularning xitay hakimiyitige naraziliqining sewebliridin misal süpitide özliri ijra qilghan yuqiriqi ikki ishni tilgha aldi.

Muhajirettiki Uyghur közetküchiler, Uyghur rayonida yüz bergen qarshiliq heriketliride xitay hakimiyitini qobul qilmasliqtek omumiy bir sewebtin bashqa yene, köp hallarda, her bir weqening özige xas konkrét bir yaki birqanche qozghilish sewebi barliqini ilgiri sürmekte. Mushu nuqtidin qaraqash partkom binasigha hujum qilish weqesining bilishke tégishlik yene köp terepliri sir péti turmaqta.

Toluq bet