Qariqash purchaqchida yene qanliq weqe: saqchi zorawanliqigha isyan kötürgen yash étiwétilgen

Bultur bir yil ichide tinjimighan yeni arqa - arqidin weqe chiqip turghan jaylardin biri qariqash nahiyisining puchaqchi yézisi. Bu yézida bultur, tarawida adem tutush weqesi we tarawida adem tutqan sékritarning ayalini öltürüsh weqesi, 9 neper pida'iyning kepe öyde qorshawgha élinish weqesi qatarliq bir yürüsh weqeler yüz bergen idi؛ tünügün chüshtin kéyin, mezkur yézida yene bir qanliq weqe yüz bergen.

Ashkarilinishiche, tünügün purchaqchining bashquduqla kentide yol charlawatqan saqchi we herbiyler, bir Uyghur yashqa zorawanliq qilghan, zorawanliqqa zorawanliq bilen qarshi turushqa urun'ghan bu yash yénidiki pichaqni qoligha élip herbiylerge étiliwatqan chaghda étiwétilgen. Bu weqe heqqidiki yip uchi tünügün ijtima'iy taratqularda taraqalghandin kéyin, muxbirimiz weqening tepsilati heqqide saqchi we kent bashliqliridin melumat igilidi.

Diqqitinglar, muxbirimiz shöhret hoshurning bu heqtiki melumatlirida bolsun.