Rabiye qadir xanim, xitay hökümitini xata siyasetliridin sawaq élishqa chaqirdi

Muxbirimiz gülchéhre
2016-01-11
Share
aqsaraygha-yollanghan-rabiye-qadir-mektubliri.JPG Uyghur milliy herikitining rehbiri rabiye qadir xanimning "Aqsaraygha yollan'ghan rabiye qadir mektupliri" namliq kitabqa qoyulghan süriti.
RFA/Qutluq


Xitay komminist hökümiti 8 - yaniwar'aptonom rayonluq partkomning muqimliq xizmiti yighi'ini chaqirip2016 - yilni "Térrorluqqa qarshi turup, muqimliqni saqlash xizmitidiki ötkelge hujum qilish yili" qilip békitkenlikini jakarlidi aptonom rayonluq partkom we hökümet yighinlirida13 - besh yilliq yirik pilanni emelge ashurushta shinjangning ijtima'iy muqimliqi we ebediy eminlikide pütün küch bilen yéngi weziyet yaritishni otturigha qoydi.

Shundaqla12 - besh yilliq pilan jeryanidiki xizmetlerni xulasilep,"Teshebbuskarliq bilen hujum qilishta ching turup, qaqshatquch zerbe bérish kürishining ünümini gewdilendürüp, esebiylikni tügitishni chongqur qanat yaydurup, "üchte qet'iy bolush" nishanigha yétip, ijtima'iy omumiyetning muqimliqigha heqiqiy kapaletlik qilindi" dep körsitildi.

Dunya Uyghur qurultiyi re'isi rabiye qadir xanim bolsa, - 5"Iyun weqesidin kéyinla bashlap yolgha qoyulghan xitayning - 12 besh yilliq pilanini emeliyleshtürüsh jeryani bolsa,xitayning 1949 - yilidin buyan, milly siyasetliri eng zor meghlup bolghan bir mezgili,xitayning Uyghur élide qattiq basturush élip barghan we bu arqiliq eng muqimsiz weziyet shekillendürülgen hemde zor qan tökülgen bir mezgil boldi"dégen yekunini otturigha qoydi.

Uyghur aptonom rayoni partkom sékrétari jang chünshyen muqimliq xizmet yighinida qilghan sözide "Shinjang hazir omumiy jehettin muqim,yaxshilinish amilliri üzlüksiz köpeydi" dep körsitip "Ijtima'iy muqimliqni, asasiy qatlamning asasini pütün küch bilen mustehkemlesh kérek" dep telep qildi.Xitayning asasy qatlamlargha qaratqan."Esebiylikni tügitish" xizmitini asas qilghan muqimliq tedbirliri heqqide rabiye qadir xanim,"Asasy qatlamlargha kadir chüshürüshning özila,, muqimliq siyasitining meghlup bolghanliqini körsitidu,emeliyette xitay hökümiti ichki jehettin xelqning ishenchisidin ayrildi. "Milletler ittipaqliqi" buzuldi, muqimliqni tutup turalmidi" dégen pikirlirini bildurdi.

Rabiye qadir xanim yene Uyghur rayonida "Esebiylik mewjutmu ?" dégen so'alimizgha : "Uyghur élide peqet xitayning Uyghurlarning muqeddes diniy étiqadini'i yoqitishni meqset qilghan esebiy siyasiti mewjutluqi"ni bildurup, "Bu esebiylikni xitay awal özi tügitishi kérek" dédi.

Xitay hökümiti bu yilning - 1 künidin bashlap térrorluqqa qarshi qanunini yolgha qoyushqa bashlap, 13 - besh yilliq pilan jeryanidiki buningdin kéyinki bir mezgildiki "Térrorluqqa qarshi turup, muqimliqni saqlash xizmitide qaqshatquch zerbe bérish yuqiri bésim halitini qet'iy ching saqlash kérekliki"ni eskertmekte. Da'iriler yene"Térrorluqqa qarshi turush, muqimliqni saqlash xizmet sistémisini mukemmelleshtürüsh muqimliqni saqlashni yéngi basquchqa kötürüshke türtke bolush"ni telep qildi.

Rabiye qadir xanim xitay hökümitining Uyghur élide - 13 besh yilliq pilani jeryanida xata siyasetlirini dawam qilishini "Weziyetni téximu keskinleshturidu" dep tenqid qilip xitay hökümiti we uning siyasetlirini ijra qiliwatqan aptonom rayon da'irilirini tarixy xataliqini tonushi, qan tökulushning aldini élishqa,Uyghur xelqidin kechürüm sorap bigunah tutqan türmilerdiki mehbuslarni qoyup bérishqa chaqirdi.

U yeyne : "Halbuki xitay da'iriliri saqlan'ghan mesililerni tonup yétish uyaqta tursun yenimu qattiq tedbirler bilen Uyghurlar üstidiki basturushni dawamlashturidighanliqidin dérek bériwatidu. Muqimliqni bahane qilip turup özining siyasetliri bilen muqimsizliqni peyda qiliwatidu.Uyghurlarni basturiwatidu, bu xil basturushlar yenimu küchiyishi mumkin" dégen bir qatar qarashlirini otturigha qoydi we yene Uyghurlarning küreshlirining shundaqla xelq'araning Uyghurlarni qollishining, chet'ellerdiki Uyghur dawasiningmu ilgiri sürülishige ilham boliwatqanliqini bildürdi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet