Rabiye qadir xanim rafto chaqirghan aliy derijilikler yighinida söz qildi

Ixtiyariy muxbirimiz erkin tarim
2016-11-23
Élxet
Pikir
Share
Print
Rabiye qadir xanim rafto chaqirghan aliy derijilikler yighinida rafto mukapati alghan kishilerge wakaliten söz qildi we Uyghurlarning weziyitini tonushturdi. 2016-Yili 21-noyabir, norwégiye.
Rabiye qadir xanim rafto chaqirghan aliy derijilikler yighinida rafto mukapati alghan kishilerge wakaliten söz qildi we Uyghurlarning weziyitini tonushturdi. 2016-Yili 21-noyabir, norwégiye.
RFA/Erkin Tarim

Dunya Uyghur qurultiyi re'isi rabiye qadir xanim norwégiyede élip bériwatqan ziyariti jeryanida, 21-noyabir küni norwégiyening bérgin shehiride muhim bir yighin'gha qatnashti.

Rafto kishilik hoquqini qoghdash teshkilati teripidin échilghan yighin'gha birleshken döletler teshkilatining 6 komitétining mes'uli, yawropa parlaméntining insan heqliri komitétining mes'ulliri, norwégiye tashqi ishlar ministirliqining mes'ulliri, norwégiyediki ammiwi teshkilat mes'ulliri we rafto wexpining mukapat tarqitish murasimi bilen 30 yilliqini xatirilesh murasimigha ishtirak qilish üchün kelgen wekiller qatnashqan. Yighin axirida yighin ehli üch guruppigha bölünüp, muzakire élip barghan. Birinchi guruppa insan heqliri pa'aliyetchilirini küchlendürüsh üchün birleshken döletlerde qandaq bir méxanizmlarni qurup chiqish mesilisi. Ikkinchi guruppa bolsa dunyada eng köp insan heqliri depsendichilikige uchrawatqan ayallar mesilisi, bolupmu islam dunyasidiki ayallar mesilisini hel qilish üchün qandaq teshkillinish mesilisi toghrisida muzakire élip bérilghan. Üchinchi guruppa bolsa insan heqliri bilen tijaretchiler yeni meblegh salghuchilar otturisidiki munasiwetler toghrisida muzakire élip barghan.

Yighinda rabiye qadir xanim rafto mukapati alghan kishilerge wakaliten söz qilghan. U, doklatida nuqtiliq halda Uyghur insan heqliri pa'aliyetchilirining bixeterliki we a'ile tawabi'atlirining xitayning ziyankeshlikige uchrawatqanliqini bayan qilip, birleshken döletler teshkilatining buning aldini élishini telep qilghan. Yighin jeryanida yene xitay hökümitining Uyghurlargha élip bériwatqan bésim siyasiti, insan heqliri depsendichiliki tüpeyli xelq'ara sotta soraqqa tartilishi toghrisida munazire élip bérilghan. Yighin axirida insan heq we hoquqlirini qoghdashning tedbirliri toghrisida qarar maqullan'ghan.

Bu yighin'gha ishtirak qilghan dunya Uyghur qurultiyi mu'awin re'isi ömer qanat muxbirimizning so'allirigha jawab berdi.

Yuqiridiki ulinishtin programmining tepsilatini anglighaysiler.

Toluq bet