Рабийә қадир ханим японийә парламентида уйғур кишилик һоқуқ мәсилилири бойичә доклат бәрди

Рабийә қадир ханим башчилиқидики д у қ рәһбәрлири японийә парламентида йиғинда. 2017-Йили 15-феврал, токйо.

Рабийә қадир ханим башчилиқидики д у қ рәһбәрлири японийә баш вәзири шинзо абениң ярдәмчи ето сеиҗи(солдин иккинчи) вә японийә дөләт бихәтәрлик комитетиниң сабиқ рәиси, японийә парламенти уйғур достлуқ гурупписиниң мәсули фурия кейҗи(солдин үчинчи) қатарлиқ әрбаблар билән. 2017-Йили 15-феврал, токйо.

11-Февралдин башлап японийәдә зиярәттә болуватқан уйғур миллий һәрикитиниң рәһбири рабийә қадир ханим бүгүн японийә парламентида уйғур мәсилилири бойичә доклат бәрди.

Японийә парламентида өткүзүлгән уйғур мәсилилири бойичә доклат бериш йиғини парламент алий кеңәш йиғин залида елип берилған болуп, йиғинға японийә баш вәзири шинзо абениң ярдәмчиси ето сеиҗи риясәтчилик қилған.

Йиғинда алди билән, сабиқ японийә дөләт бихәтәрлики комитетиниң рәиси, японийә парламенти уйғур достлуқ гурупписиниң мәсули фурия кейҗи сөз қилип 2009-йилидики 5-июл үрүмчи вәқәсидин кейин уйғур елида хитай компартийәсиниң уйғурларни бастуруш сияситиниң күндин-күнгә күчәйгәнликини, уйғур елиниң күнсайин начарлишиватқан сиясий вәзийитигә японийә парламенти уйғур достлуқ гурупписиниң йеқиндин диққәт қилип келиватқанлиқини илгири сүргән.

Рабийә қадир ханимниң японийә парламентида уйғур кишилик һоқуқ мәсилилири бойичә доклат бериш йиғини чүштин кейин саәт биридин икки йеримға қәдәр давам қилған болуп, йиғинға японийә парламентидики уйғур мәсилисигә көңүл бөлүватқан бир қисим әзалар қатнашқан вә уйғур кишилик һоқуқ мәсилисигә ярдәм қилиш тоғрисида кеңәшкән.

Доклаттин кейин рабийә қадир ханим японийә парламентидики бир қисим юқири дәриҗилик әрбаблар билән айрим сөһбәттә болған.

Юқиридики аваз улинишидин, японийәдики ихтиярий мухбиримиз һаҗи қутлуқ қадириниң бу һәқтики тәпсилий мәлуматлирини аңлайсиләр.