Bortala saqchiliri rabiyxan anigha pasportining bérilmeslikini merkezning buyrughanliqini ashkarilighan

Muxbirimiz shöhret hoshur
2016.11.16
Share on WhatsApp
Share on WhatsApp
rabiyxan-musa-23-yil-burun.jpg Rabiyxan musa ana hazir norwégiyede yashawatqan kélini we newrisi bilen 23 yil ilgiri.
Photo: RFA

Xitayning bortaladiki saqchiliri aldinqi küni rabiyxan musa ana bilen körüshüp, uning pasport ishi heqqide béyjingdin mexsus uqturush kelgenlikini, uqturushta bérilmeslik buyrulghanliqini uqturghan.

Özlirining bu ishta charisiz ikenlikini ashkarilighan saqchilar rabiyxan anini norwégiyediki balisidin waz kéchishke tekrar ündigen. Ular yene özlirining buningdin kéyin rabiyxan anining turmushigha ige chiqidighanliqini we köyünüp baqidighanliqini bildürgen.

Rabiyxan ana bolsa özige béshi bilen teng altun bérilsimu balisidin waz kechmeydighanliqini bildürüsh bilen birlikte, perzentliridin bashqisi teripidin béqilishni xalimaydighanliqini eskertken we bu ikki neper ayal saqchi xadimining söhbet dawamidiki saxta méhribanliqini qobul qilmighan.

Saqchilar bilen rabiyxan ana arisidiki söhbetlerdin qarighanda, rabiyxan ana ehwalni dunyagha ashkarilighandin kéyin, bortala saqchiliri mesilini bir terep qilishta téngirqighan we 82 yashliq momayning pasportini qayturup bérish-bermesliktin ibaret addiy bir ishtimu öz aldigha qarar bérelmigen. Yene rabiyxan anining bayanliridin qarighanda, bu ishqa aptonom rayonluq alaqidar orunlarmu arilashmighan yaki arilishalmighan we mushu seweblik bortala saqchiliri merkezning buyruqini kütüshke mejbur bolghan.

Yuqiriqi söhbet xatirisidin merkezdiki alaqidar orunlarning rabiyxan musa anining norwégiyediki oghli heqqide bir tekshürüsh élip barghanliqi we buninggha asasen pasportni bermeslikini buyrughanliqi melum؛ emma tekshürüsh élip barghanda, qolidiki mewjut arxiplargha qarighanliqi yaki chet'eldiki ‛qulaq‚ liri arqiliq éniqlash élip barghanliqi melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.