Рабийхан муса ана бортала област башлиқлири билән сөзләшти: “ахбаратқа гәп қилишни 3 ай тохтитимән”

Мухбиримиз шөһрәт һошур
2016.11.22
Share on WhatsApp
Share on WhatsApp
rabiyxan-musa-ana-1.jpg 5 Йилдин бери дидарини көрмигән кәнҗи оғли қурбанҗанни көрүшкә тәшна болған рабийхан ана.
RFA/Shohret Hoshur

Өткән һәптә бортала областиниң муавин башлиқи, муавин партком секретари вә областлиқ сақчи идарисиниң башлиқи қатарлиқ 10 нәччә кишидин тәшкилләнгән бир әмәлдарлар гурупписи радийомизда шикайәтлирини баян қиливатқан рабийхан муса ана билән сөһбәт өткүзгән.

Улар сөһбәт давамида, рабийхан аниға паспортини бәрмәсликниң сиясий бир қарар икәнликини вә буниң сақчилар билән алақиси йоқлуқини ейтқан вә рабийхан анини ахбарат баянатини тохтитиш һәққидә тәкрар агаһландурған.

Бүгүн зияритимизни қобул қилған рабийхан ана област башлиқлириниң юқириқи чүшәндүрүшиниң раст-ялғанлиқини айдиңлаштуруш үчүн, бейҗиңға әрз қилип бериш яки әрзнамә йоллаш пилани барлиқини вә ахбаратқа гәп қилишни вақитлиқ йәни мушу қетимқисидин кейин 3 айғичә тохтитип туридиғанлиқини баян қилди.

Рабийхан муса ана ахбаратқа гәп қилишни 3 айчә тохтитип туруш пиланиниң област башлиқлириниң тәһдитидин қорқуп әмәс, уларниң раст яки ялған гәп қиливатқанлиқини ениқлаш һәм уларға ойлиниш пурсити бериш йәни паспортини тартивалғанлиқ хаталиқини түзитишкә пурсәт бериш мәқситидә түзүлгәнликини баян қилди. У йәнә, әгәр бу үч ай җәрянида җавабтин үмидләнгүдәк учурлар болмиса яки йәнә бурунқидәк тәһдит вә зораванлиққа учриса, ахбарат баянатини 3 айни күтмәстин йәнә давамлаштуридиғанлиқини әскәртти.

Юқиридики аваз улинишидин мухбиримизниң бу һәқтә тәйярлиған программисини аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.