Ханериқ сақчиханисиниң хадими сәмәт абдукеримниң чарчаштин өлгәнлики илгири сүрүлмәктә

Мухбиримиз шөһрәт һошур
2017-01-13
Елхәт
Пикир
Share
Принт
Чарчаштин өлгән сақчи сәмәт абдукерим
Чарчаштин өлгән сақчи сәмәт абдукерим
Photo: RFA

Үндидардики сақчи хадимлири топида тарқалған бир учурда баян қилинишичә, хотәнниң ханериқ сақчиханисиниң сәмәт исимлик бир хадими 1-айниң 9-күни чарчаштин өлгән, учурда сәмәтниң өлүмигә тәзийәләр билдүрүлгән. Мухбиримизниң буниңға асасән ениқлиши давамида, өлгән сақчиниң фамилисиниң абдукерим икәнлики вә 9-янивар чүштин кейин ишханисида җан үзгәнлики ашкариланди. Сәмәт абдукеримниң өлүминиң қариқаш парткомиға һуҗум қилиш вәқәсидин 11 күн, гумида қечип йүрүватқан 3 нәпәр гумандарни етиветиш вәқәсидин икки күн кейингә тоғра келиши, нөвәттики хотән вәзийитиниң җиддий вә әнсизликини йәнә бир нуқтидин көрсиитип бәрмәктә.

Һөрмәтлик радийо аңлиғучилар, аңлиғиниңлар ханериқ сақчиханиниң баянлири, бу учурлардин сәмәт абдукеримниң хизмәт давамида ишханисида җан үзгәнлики мәлум, униң хизмәтдашлириниң баян қилишичә, у чарчаштин өлгән; әмма у, хотәндә йүз бәргән йеқинқи икки вәқәдин кейинки дело бир тәрәп қилиш вә муқимлиқ тәдбирлиридә вәзипә алғанму-алмиғанму, алған болса қандақ вәзипә алған? биз бу һәқтә мәлумат елиш үчүн хотән шәһәрлик сақчиханиға телефон қилдуқ. Сақчи хадими, бу һәқтә өзлириниң мәлумат берәлмәйдиғанлиқини ейтти вә юқири орунлардин мәлумат елишимизни тәвсийә қилди.

Һөрмәтлик радийо аңлиғучилар, сақчи сәмәт абдукерим хизмәт вақтида һаятидин айрилғиниға бүгүн 5 күн болған болсиму, хитайниң мәйли дөләт, мәйли йәрлик ахбарат орунлири бу һәқтә һечқандақ хәвәр бәрмиди. Сәмәт абдукеримниң хизмәт давамида қандақ бесим яки хәвп-хәтәрләргә дуч кәлгәнлики, униң бурунқи саламәтлик әһвали һазирчә мәлум әмәс.

Юқиридики улиништин мухбиримизниң бу һәқтә игилигән мәлуматлирини аңлайсиләр.

Пикирләр (0)
Share
Толуқ бәт