Баңкоктики уйғур гумандариниң тәрҗимани: мән гунаһсиз

Мухбиримиз җүмә
2016-06-08
Share
tayland-partlitish-bilen-eyiplengen-uyghur-sot.jpg Баңкоктики партлитиш билән әйиблиниватқан 2 уйғур гумандар 2-қетимлиқ сотидин қайтип чиқмақта. 2016-Йили май, тайланд.
RFA/Pida’iy

Өткән һәптә тайландтики ибадәтхана һуҗумға четилип қолға елинған икки уйғур гумандариниң тәрҗиманиниң зәһәрлик чекимлик билән қолға елинғанлиқи оттуриға чиққан.

Мәлум болушичә, у тутулуп 4-күни кепилликкә қоюп берилгән. Биз бүгүн мәзкур тәрҗиман билән телефон сөһбити өткүзүшкә мувәппәқ болдуқ.

Сираҗидин атағоҗа баһадироф радийомизға өзиниң уйғур гумандар мирәли йүсүп вә адам қарадағқа тәрҗиманлиқ қилғанлиқи, бу җәрянда уларға өзлирини һимайә қилиш һәққидә ярдәм қилғанлиқи үчүн һәрбий сақчиларниң зәрбә нишаниға айланғанлиқини билдүрди.

Униң ейтишичә, адәм қара дағ вә мирәли йүсүпниң 17-майдики сотидин бир күн кейин, пуқрачә кийингән бир нәччә киши униң өйигә бесип келип, уни урған вә униңға тәрҗиманлиқтин ваз кечиш һәққидә тәһдит салған. Аридин узун өтмәй у "зәһәрлик чекимлик елип йүрди" дегән гуман билән қолға елинған.

Сақчи даирилири уни 3-июн йәни җүмә күни кәчқурун кепилликкә қоюп бәргәнликини билдүргән болсиму, сираҗидин өзиниң 4-июн қоюп берилгәнликини, әмма шундақтиму йәнила әркин болалмиғанлиқини, нөвәттә нәзәрбәнд астида туруватқанлиқини билдүрди.

Юқиридики улиништин мәзкур сөһбәтниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт