Bangkoktiki Uyghur gumandarining terjimani: men gunahsiz

Muxbirimiz jüme
2016-06-08
Share
tayland-partlitish-bilen-eyiplengen-uyghur-sot.jpg Bangkoktiki partlitish bilen eyibliniwatqan 2 Uyghur gumandar 2-qétimliq sotidin qaytip chiqmaqta. 2016-Yili may, tayland.
RFA/Pida’iy

Ötken hepte taylandtiki ibadetxana hujumgha chétilip qolgha élin'ghan ikki Uyghur gumandarining terjimanining zeherlik chékimlik bilen qolgha élin'ghanliqi otturigha chiqqan.

Melum bolushiche, u tutulup 4-küni képillikke qoyup bérilgen. Biz bügün mezkur terjiman bilen téléfon söhbiti ötküzüshke muweppeq bolduq.

Sirajidin ataghoja bahadirof radiyomizgha özining Uyghur gumandar mir'eli yüsüp we adam qaradaghqa terjimanliq qilghanliqi, bu jeryanda ulargha özlirini himaye qilish heqqide yardem qilghanliqi üchün herbiy saqchilarning zerbe nishanigha aylan'ghanliqini bildürdi.

Uning éytishiche, adem qara dagh we mir'eli yüsüpning 17-maydiki sotidin bir kün kéyin, puqrache kiyin'gen bir nechche kishi uning öyige bésip kélip, uni urghan we uninggha terjimanliqtin waz kéchish heqqide tehdit salghan. Aridin uzun ötmey u "Zeherlik chékimlik élip yürdi" dégen guman bilen qolgha élin'ghan.

Saqchi da'iriliri uni 3-iyun yeni jüme küni kechqurun képillikke qoyup bergenlikini bildürgen bolsimu, sirajidin özining 4-iyun qoyup bérilgenlikini, emma shundaqtimu yenila erkin bolalmighanliqini, nöwette nezerbend astida turuwatqanliqini bildürdi.

Yuqiridiki ulinishtin mezkur söhbetning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet