Токйодики хитай әлчиханиси алдида тибәт, уйғур, моңғуллар намайиш елип барди

Ихтиярий мухбиримиз һаҗи қутлуқ қадири
2016.12.13
Share on WhatsApp
Share on WhatsApp
tokyoda-namayish-kishilik-hoquq-kuni.jpg Тибәт, уйғур, моңғуллар хәлқара инсан һәқлири күни мунасивити билән намайиш қилип токйодики хитай әлчиханисиға маңған көрүнүш. 2016-Йили 10-декабир.
RFA/Qutluq

10-Декабир токйодики хитай әлчиханиси алдида японийәдә паалийәт елип бериватқан тибәт оқуғучилар һәрикити тәшкилатиниң уюштуруши билән тибәт, уйғур, моңғуллар хәлқара инсан һәқлири күни мунасивити билән хитайға қарши намайиш елип барған.

Биз японийәдә паалийәт елип бериватқан тибәт оқуғучилар һәрикити тәшкилатиниң баш катипи канада тарониң учуриға асасән, 10-декабир хәлқара инсан һәқлири күни мунасивити билән хитайға қарши токйодики хитай әлчиханиси алдида елип бериливатқан намайиш мәйданиға телефон қилип тибәт, уйғур, моңғулларниң бирләшмә намайиши һәққидә учур игилидуқ.

Телефон зияритимизни қобул қилған тибәт оқуғучилар һәрикити тәшкилатиниң баш катипи канада таро бу қетимқи хитайға қарши елип берилған бирләшмә намайиш һәққидә тохтилип: “тәшкилатимизниң тәшкиллиши билән токйода паалийәт елип бериватқан уйғур, моңғул тәшкилатлири вә шундақла бир қисим бизниң мәсилилиримизни қоллиғучилар хәлқара инсан һәқлири күни мунасивити билән, хитай әлчиханиси алдида бу намайишни елип бериватимиз. Мәқситимиз ортақ һалда хитай компартийәсигә болған наразилиқимизни ипадиләш вә шундақла вәтән ичидики хәлқимизниң боғулған авазини дуняға аңлитиш” деди.

Игилишимизчә, хитай әлчиханиси алдидики намайишта тибәт, уйғур, моңғул вәкиллири өзлириниң баянатини оқуп өткән болуп, зияритимизни қобул қилған японийә уйғур бирлики тәшкилатиниң рәиси турмуһәммәт һашим бу һәқтә тохталди.

Турмуһәммәт һашимниң билдүрүшичә, намайишчилар токйодики хитай әлчиханиси алдидики намайиштин кейин, токйодики микавадәй бағчисиға топлинип шу йәрдә йиғилиш өткүзгән вә намайишни давам қилип йүзләрчә намайишчи қоллирида айюлтузлуқ көк байрақ, тибәт, моңғул туғлирини көтүргән һалда үнлүк авазда “хитайлар вәтинимиздин чиқип кәтсун!тибәт, уйғур, моңғулларға әркинлик” дегәндәк шоарларни товлап, токйо кочилирини айлинип, саяһәттә болуватқан кәң саяһәтчиләрниң күчлүк диққитини тартқан.

Намайиштин кейин, бу қетимқи токйода елип берилған намайишқа иштирак қилған японийәдики уйғур сиясий актиплиридин гүлистан әзизи намайиш һәққидә өз тәсиратини баян қилди.

Юқириқи аваз улинишидин тәпсилатини аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.