Tokyodiki xitay elchixanisi aldida tibet, Uyghur, mongghullar namayish élip bardi

Ixtiyariy muxbirimiz haji qutluq qadiri
2016-12-13
Share
tokyoda-namayish-kishilik-hoquq-kuni.jpg Tibet, Uyghur, mongghullar xelq'ara insan heqliri küni munasiwiti bilen namayish qilip tokyodiki xitay elchixanisigha mangghan körünüsh. 2016-Yili 10-dékabir.
RFA/Qutluq

10-Dékabir tokyodiki xitay elchixanisi aldida yaponiyede pa'aliyet élip bériwatqan tibet oqughuchilar herikiti teshkilatining uyushturushi bilen tibet, Uyghur, mongghullar xelq'ara insan heqliri küni munasiwiti bilen xitaygha qarshi namayish élip barghan.

Biz yaponiyede pa'aliyet élip bériwatqan tibet oqughuchilar herikiti teshkilatining bash katipi kanada taroning uchurigha asasen, 10-dékabir xelq'ara insan heqliri küni munasiwiti bilen xitaygha qarshi tokyodiki xitay elchixanisi aldida élip bériliwatqan namayish meydanigha téléfon qilip tibet, Uyghur, mongghullarning birleshme namayishi heqqide uchur igiliduq.

Téléfon ziyaritimizni qobul qilghan tibet oqughuchilar herikiti teshkilatining bash katipi kanada taro bu qétimqi xitaygha qarshi élip bérilghan birleshme namayish heqqide toxtilip: "Teshkilatimizning teshkillishi bilen tokyoda pa'aliyet élip bériwatqan Uyghur, mongghul teshkilatliri we shundaqla bir qisim bizning mesililirimizni qollighuchilar xelq'ara insan heqliri küni munasiwiti bilen, xitay elchixanisi aldida bu namayishni élip bériwatimiz. Meqsitimiz ortaq halda xitay kompartiyesige bolghan naraziliqimizni ipadilesh we shundaqla weten ichidiki xelqimizning boghulghan awazini dunyagha anglitish" dédi.

Igilishimizche, xitay elchixanisi aldidiki namayishta tibet, Uyghur, mongghul wekilliri özlirining bayanatini oqup ötken bolup, ziyaritimizni qobul qilghan yaponiye Uyghur birliki teshkilatining re'isi turmuhemmet hashim bu heqte toxtaldi.

Turmuhemmet hashimning bildürüshiche, namayishchilar tokyodiki xitay elchixanisi aldidiki namayishtin kéyin, tokyodiki mikawadey baghchisigha toplinip shu yerde yighilish ötküzgen we namayishni dawam qilip yüzlerche namayishchi qollirida ayyultuzluq kök bayraq, tibet, mongghul tughlirini kötürgen halda ünlük awazda "Xitaylar wetinimizdin chiqip ketsun!tibet, Uyghur, mongghullargha erkinlik" dégendek sho'arlarni towlap, tokyo kochilirini aylinip, sayahette boluwatqan keng sayahetchilerning küchlük diqqitini tartqan.

Namayishtin kéyin, bu qétimqi tokyoda élip bérilghan namayishqa ishtirak qilghan yaponiyediki Uyghur siyasiy aktipliridin gülistan ezizi namayish heqqide öz tesiratini bayan qildi.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.