Béyjinggha 61 qétim barghan 71 yashliq ema erzdar éli rishit pichanda bir yildin béri qamaqta

Muxbirimiz shöhret hoshur
2015-01-29
Share
erzdar-ghojimemet-jappar.jpg Xoten qaraqashliq erzdar ghojimemet jappar. 2015-Yili yanwar(orni éniq emes)
RFA/Shohret

Bu yil 71 yashqa kirgen, pichan yéngiyerlik éli rishit, 20 yilning aldida kichik bir ijtima'iy jidelge chétilip qélip tutqun qilin'ghan, soraq we qiynash dawamida uning bir közige tok kaltek tégip, shu közi kardin chiqqan.

Soraq axirida éli rishit gunahsiz dep qarilip qoyup bérilgen, emma uninggha héchqandaq tölem bérilmigen. Shuning bilen éli rishitning 20 yilgha sozulghan erz sepiri bashlan'ghan. Bu jeryanda u erz qilip, béyjing uni arqisigha yandurup, pichan da'iriliri uni tutup ekélip harmighan. U béyjinggha 61 qétim barghandin kéyin, eng axirqi netije süpitide bultur 2-ayda tutqun qilin'ghan. U tutulup bir yildin buyan uning nediliki, salametlik ehwali we qanuniy salahiyiti heqqide a'ilisi héchqandaq uchur alalmighan. Nöwette uning ikki oghli tutqun dadisining halidin xewer tépish üchün saqchi we bashqa hökümet organliri arisida tépirlap yürmekte.

Bir yildin béri iz-dérikini élish mumkin bolmaywatqan tutqun 71 yash, uning üstige ema, yeni ikkinchi derijilik méyip. Tutulush sewebi bolsa erz qilish.

Ema erzdar éli rishit béyjinggha 61 qétim seper qilghan, bu musheqqetlik seper we échinishliq aqiwetning bashlan'ghuch hékayisi qarasheherdin bashlan'ghan:
Ema erzdar éli rishitning 61 qétimliq béyjing sepiridin kéyin, pichan da'iriliri uninggha bir yürüsh bina öy we 200 ming som pul béridighanliqini éytqan, emma da'iriler 200 ming somni ayda 2 ming somdin bölüp béridighanliqini uqturghan, éli rishit özining yashinip qalghanliqini nezerde tutup, tölemning mundaq parchilinip bérilishini ret qilghan. Netijide pichan saqchiliri uning yene erz qilip béyjinggha bérishidin endishe qilip uni qamaqqa tashlighan.

Bu weqede kishini oygha salidighini, erzdar éli rishitning sewrchanliqi, charchimasliqi, yanmasliqi. Bu, éli rishitning béyjinggha ümidning chongluqidinmu yaki yerlik emeldarlar bilen qarshilishish iradisining küchlüklükidinmu we yaki tartilghan ziyanning chongluqi we toluqlimisa bolmaydighanliqidinmu? bu so'allargha éli rishitning özidin jawab élishqa amalsizmiz, uning oghlining jawabi mundaq: “Atmish nechche qétimliq seperde az dégende 500-600 ming som chiqim tarttuq, shunga dadamdin talay qétim bu erzdin waz kéchishni ötünüp sorudum, dadamning deydighini shu ‛bu erzdin waz kechsem ölüwalsam bolidu‚”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet