Zubeyre shemsidin: “Uyghurlar uchrawatqan barliq zulumlar muhim mesile süpitide otturigha qoyulushi kérek”

Uyghur kishilik hoquq mesililiri boyiche tetqiqat we pa'aliyet élip bériwatqan, amérikidiki xelq'ara Uyghur kishilik hoquq programmisining mes'ul xadimliridin zubeyre shemsidin(otturida) xanim namayishta.

Xitay re'isi shi jinping kéler heptide amérika sepirini bashlaydu, analizchilar uning bu dölet ziyaritini nahayiti muhim weziyettiki, muhim siyasiy ehmiyetke ige bir qétimliq dölet ziyariti bolushi mumkin dep qarimaqta shundaqla uning bu ziyaritini “Asan'gha toxtimaydighan, rahetsiz bir ziyaret” bolidu dep qiyas qilmaqta. Gerche shi jinping bilen obamaning diplomatik söhbitide “Intérnét bixeterliki”, “Asiya-tinch okyan jenubiy déngiz mesilisi” qatarliqlar asasiy salmaqni igilisimu “Kishilik hoquq” tin ibaret nazuk mesilimu muhim orunni igilishi mumkin bolghan shundaqla ikki terep munasiwetlirige belgilik riqabet we ixtilap yaritidighan bir téma.

Bu munasiwet bilen, biz Uyghur kishilik hoquq mesililiri boyiche tetqiqat we pa'aliyet élip bériwatqan amérikidiki xelq'ara Uyghur kishilik hoquq programmisining mes'ul xadimliridin zubeyre shemsidin xanimni ziyaret qilduq.

Yuqiridiki ulinishtin, muxbirimizning “Uyghur kishilik hoquqi obamadin némilerni kütidu” dégen témida zubeyre xanim bilen ötküzgen söhbitige ishtirak qiling.