Aqsu wilayetlik merkiziy tutup turush orni tursunjan memet marshal heqqide uchur bérishni ret qildi

Muxbirimiz qutlan
2016.06.15
Share on WhatsApp
Share on WhatsApp
Tursunjan-Memet-misranim-4.jpg Tursunjan memet marshalning yazghuchi ömerjan hesen bozqir bilen ötküzgen söhbet xatirisi we uning tor nusxisining muqawisi.
RFA/Qutlan

Igilishimizche, aqsu wilayetlik dölet xewpsizliki idarisi “Misranim” torining bashqurghuchisi, aktip tor yazari tursunjan memet marshalning délosi heqqidiki tekshürüshni axirlashturup, uni aqsu wilayetlik merkiziy tutup turush ornigha ötküzüp bergenliki melum. Emma uning qachan sotlinidighanliqi heqqide hazirche melumat yoq.

Bu yil 59 yashqa kirgen memet qarim tutup kétilginige ikki yérim ay bolghan oghli tursunjan memet marshal heqqide radiyomiz ziyaritini qobul qildi.

U oghli tursunjanning délosini aldi bilen aqsu wilayetlik dölet xewpsizliki idarisining mu'awin bashliqi tuyghunning mes'ul bolup tekshürgenlikini, hazir deslepki tekshürüshning axirliship, oghli tursunjanning aqsu wilayetlik merkiziy tutup turush ornigha ötküzüp bérilgenlikini bildürdi.

Memet qarim aqsu wilayetlik dölet xewpsizlik idarisining mu'awin bashliqi tuyghunning oghli tursunjan heqqidiki eyibnamini özige oqup bergenlikini, lékin özining eyibnamige imza qoymighanliqini shu sewebtin tuyghunning özige tehdit arilash bésim ishletkenlikini tilgha aldi.

Memet qarim yene ayalining oghli seweblik aghrip doxturxanigha kirip qalghanliqini, yuqiri qan bésimi, yürek késili we di'abét késelliki qoshulup salametlikining pütünley yamanlashqanliqini, axirqi künliri qalghan anining oghli bilen téléfonda bolsimu sözlishiwélishini qolgha keltürüsh üchün aqsudiki tutup turush ornigha téléfon qilghinida rehimsizlik bilen ret qilin'ghanliqini ilgiri sürdi.

Memet qarim oghli tursunjan üchün 15 ming som pul tölep ürümchi xelq'ara chong bazar qéshidiki adwokatliq ornining adwokati abduréshit mijitni adwokatliqqa chaqirghanliqini, halbuki, adwokatning hazirgha qeder mezkur délo heqqide ulargha éniq uchur bérelmigenlikini tekitlidi.

Biz adwokat abduréshit mijitqa téléfon qilghinimizda, u téléfonning chet'el muxbiridin kelgenlikini uqup so'allirimizgha jawab bérishni ret qildi.

5-Ayning 31-küni memet qarim aqsugha bérip aqsu wilayetlik merkiziy tutup turush ornining mu'awin bashliqi muxter bilen körishidu. U gerche memet qarim oghligha üchün élip kelgen kiyim-kéchek, yémek-ichmek we 300 som pulni qobul qilghan bolsimu, lékin uning oghli bilen körüshüwélish telipini ret qilidu.

Biz bu uchurgha asasen aqsu wilayetlik merkiziy tutup turush ornining mu'awin bashliqi muxterge téléfon qilduq. U téléfonimizni qobul qilghan bolsimu, lékin tursunjanning ehwali toghrisida éghiz échishtin özini qachurdi.

Memet qarim axirida oghli tursunjan memet marshalning aqsuda tutqun qilin'ghan ömerjan hesen bozqir we ürümchide tutqun qilin'ghan ma'arip saheside xizmet qilghan 50 yashlardiki yene bir tor yazghuchisi bilen bille “Misranim” torigha munasiwetlik bir siyasiy délogha chétilghanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet