Ma'arip idarisige oghriliqche kirip milliy tengsizlik üstidin shikayet qilish

Uyghur közetküchilerning qarishiche, xitay hakimiyiti astida yashawatqan Uyghurlar dunyada zulumgha qarshi heriketning étish, chépish we partlitishtin bashqa yüzlerche shekli barliqini dewrlerdin béri namayan qilip kelmekte. 82 Yashliq rabiyxan musa anining pasport cheklimisi heqqide dunyagha muraji'iti, 3 yashliq oghulning xitay ölkiliride bazar bashqurghuchilirigha qarshi isyani buning eng yéqinqi misalliri bolsa¡ nöwette türkiyede yashawatqan kuchaliq qiz arzu nurmemetning, on yilning aldida yeni 12 yash waqtida ma'arip idarisining derwazisi astidin ömilep kirip, nahiyediki Uyghur oqughuchilarning emgekke sélinip, xitay oqughuchilarning sélinmasliqi heqqide shikayet qilishimu ene shu, tinch qarshiliqning yene bir misalidur.

Yuqiridiki awaz ulinishidin, muxbirimizning ene shu misalning eyni chaghdiki bala qehrimani arzu nurmemet we bu xil qarshiliqning siyasiy, ijtima'iy sewebi heqqide közetküchi memet toxti ependi bilen ötküzgen söhbet xatirisini anglaysiler.