Shi jinping fransiye we gérmaniyediki ziyaritide naraziliq namayishlirigha duch keldi

27 - Mart küni fransiyening paytexti parizh shehiride xitay re'isi shi jinpingning fransiyediki ziyaritige qarshi naraziliq namayishi ötküzülgen.

Fransiye sherqiy türkistan jem'iyiti mes'ulliridin igiligen melumatqa asaslan'ghanda, namayishqa Uyghur, tibet, teywenlikler we démokrat xitaylardin bolup, 300 etrapida kishi qatnashqan. Ular qollirida öz bayraqliri we “Tibetlerge erkinlik”, “Uyghurlargha erkinlik”, “Xitay medeniyitimizni yoq qilish siyasitini toxtatsun” dégen'ge oxshash shu'arlar yézilghan luzunkilarni kötürgen halda xitay hökümitige bolghan naraziliqini ipadileshken.

Xitay re'isi shi jinping fransiyediki resmiy ziyaritini axirlashturup, 28 - mart küni etigen gérmaniyege élip baridighan resmiy ziyaritini bashliwetti. Shi jinping gérmaniye re'isi bilen uchrishish üchün kirip kétiwatqanda, qollirida ay yultuzluq kök bayraq, lozunkilarni we türmide yétiwatqan Uyghur ziyaliylirining resimini kötürüwalghan namayishchilar yangraq shu'ar sadaliri bilen kütiwaldi. Bu namayishni dunya Uyghur qurultéyi oyushturghan bolup, namayishqa 700 kilométir yol bésip bérlin'gha kelgen myunxén shehiride yashawatqan Uyghurlar, xeter astidiki milletlerlerni qoghdash teshkilatining mes'ulliri, türk teshkilatliri we tibetlerdin bolup 300 etrapida kishi qatnashqan.