Uyghur mehbuslarning xitay türmisidiki külpetliri ashkarilanmaqta

Ixtiyariy muxbirimiz oghuzxan
2017-10-27
Share
turme-uyghur-siyasiy-mehbus.jpg Türmige élip kiriliwatqan Uyghur siyasiy mehbuslar.
Social Media

Xitay da'irilirining bu yilning bashliridin buyan Uyghur élida élip barghan keng kölemlik tutqun qilish herikiti dawamida köpligen Uyghurlarning yoqilang sewebler bilen tutqun qilinip türmilerge tashlan'ghanliqi yaki "Yépiq terbiyilesh" ke ewetilgenliki melum bolmaqta.

Yéqinda Uyghur élidin ming bir musheqqetler bilen ayrilip, gollandiyege kélip yerleshken jür'et ependi radiyomiz ziyaritini qobul qilip, özi körgen we bilgen ehwallardin melumat berdi.

Uning bildürüshiche, xitay da'iriliri teripidin yoqilang bahaniler bilen tutqun qilinip, qamap qoyulghan Uyghurlarning nöwettiki échinishliq ehwali we türmide tartiwatqan azab-oqubetliri kishi ishen'güsiz derijide éghir iken.

Jür'et ependining bildürüshiche, uning qéyni'atisi melum bir Uyghurche tor betning téxnikiliq meslihetchisi bolup, u bu yil yazdiki tutqunda saqchilar teripidin tutup kétilgen. Qamaqtiki birqanche ayliq dehshetlik qiynaqtin kéyin uning jismaniy we rohiy jehettiki saghlamliqi ze'ipliship, axiri yérim jan halette a'ilisige qayturulghan.

Uning bayan qilishiche, qéyni'atisi türmide eydiz wirusi bilen yuqumlan'ghan mehbuslar bar kamirgha solap qoyulghan. 

Yéqinda amérikagha kélip yerleshken arman ependimu ziyaritimizni qobul qilip, ötken yilining axirliridin buyan köp qisim Uyghurlarning tutqun qilinish, teqiblinish, tekshürülüsh yaki "Yépiq terbiye" ge ewetilish qismetlirige duch kéliwatqanliqini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet