Kuchaning alaqagha bazirida saqchilar namayishchi ammigha oq chiqarghan, nurghun adem tutqun qilin'ghan

Muxbirimiz qutlan
2014-05-20
Share
hijap-romal-yaghliq-reshatka-jaza.jpg Tömür réshatkiliq hoyligha solan'ghan hijaplan'ghan Uyghur ayalliri.
RFA/Ruqiye

Bügün kucha nahiyesining alaqagha bazirida qanliq weqe yüz bérip nurghun adem tutqun qilin'ghan. Saqchilar neq meydanda oq chiqirip namayishchi ammidin birqanchisini öltürgenliki melum bolmaqta.

Neq meydandin igilishimizche, birqanche kündin buyan kucha nahiye baziri we uninggha tewe herqaysi yézilarda da'irilerning yüzini yapqan, uzun yaghliq salghan yaki saqal qoyghan kishilerni tekshürüsh herikiti élip bérilghan. Netijide birmunche ayallar tutqun qilinip bazarliq hökümet qorusigha solap qoyulghan. Bügün seherde alaqagha bazarliq ottura mektepning mudirimu buyruq chüshürüp béshidin yaghliqini élishni ret qilghan qiz oqughuchilarni bazarliq hökümetke heydep apirip solap qoyghan.

Qamap qoyulghan ayallar we qiz oqughuchilarning a'ile tawabi'atliri, uruq-tughqanliri hemde ghezeplen'gen amma alaqagha bazarliq hökümet aldigha topliship qarshiliq namayishi ötküzgen. Uzun ötmeyla namayishchilarning sani köpiyip birer ming ademge yetken. Ghezeplen'gen namayishchilar qamalghan ayallar bilen qiz oqughuchilarni qoyup bérishni telep qilghan, emma da'iriler buninggha jawab bermigen. Axirida namayishchilarning ghezipi örlep mektep mudiri tursun qadirni qattiq urghan. Alaqagha bazarliq hökümetning bashliqi exmet arigha kirip jédelni ayrimaqchi bolghan bolsimu, lékin namayishchilar unimu sür-toqay qilghan.

Uzun ötmeyla kucha nahiye tereptin birqanche herbiy mashina we bronéwiklarda qoralliq alahide saqchilar neq meydan'gha yétip kelgen. Ular kélipla namayishchi ammigha qaritip oq chiqarghan. Neq meydandiki shahitlarning bildürüshiche, her yérim sa'ette bir qétimdin uda üch qétim shiddetlik oq étilghan. Qanche ademning ölüp, qanchisining yarilan'ghanliqi we qanche ademning tutqun qilin'ghanliqi éniq emes.

Weqe hazir tinchitilghan bolup, alaqagha baziri etrapida herbiy halet yürgüzülgen.

Biz weqening tepsilati heqqide éniq melumat élish üchün alaqagha bazarliq saqchixana bilen döngqotan yéziliq saqchixanigha téléfon qilduq. Ular téléfonni qobul qilghan bolsimu, lékin weqening tepsilati heqqide melumat bérishni ret qildi.

Alaqagha bazarliq saqchixanining nöwetchi xadimi özining bu heqte so'allirimizgha jawab bérelmeydighanliqini, saqchi bashliqi bilen siyasiy yétekchining neq meydandin hazirla qaytip kélip qorallarni ötküzüwatqanliqini, ularning téléfon qobul qilishqa waqti yoqluqini bildürdi.

Biz arqidinla alaqagha baziri teweside yashaydighan ahalilerdin ikki a'ilige téléfon qilip ehwal sürüshtürduq. Téléfonimizni qobul qilghan ikki ayal özliri körgen we anglighan ehwallar heqqide melumat berdi.

Tepsilatini awaz ulinishtin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet