Японийәниң наһа шәһиридә уйғур вә японлар бирликтә хитайға қарши намайиш қилди
2016.10.31
Япон вәтәнпәрвәрлири тәшкилатлириниң тәшкиллиши вә японийә уйғур бирликиниң һәмкарлишиши билән хитайға қарши қилған намайиштин көрүнүш. 2016-Йили 29-өктәбир, японийә.
RFA/Qutluq
29-Өктәбир японийәниң окинава вилайитиниң мәркизи наһа шәһиридә япон вәтәнпәрвәрлири тәшкилатлириниң тәшкиллиши вә японийә уйғур бирлики тәшкилатиниң һәмкарлишиши билән хитайға қарши намайиш елип берилди.
28-Өктәбирдин башлап японийәниң окинава вилайитиниң мәркизи наһа шәһиридә башланған “шәрқий түркистан күни” тәшвиқат паалийитиниң иккинчи күнидә, мәзкур шәһәрдики тарихий җай һесаблинидиған шуҗиро қәләсиниң алдида уйғур вә японлар бирликтә хитайға қарши намайиш елип барди.
Намайиш наһа шәһиридә өткүзүлүватқан окинаваниң 6-қетимлиқ учинанчу байрими күнигә тоғра кәлгән болуп, мәзкур байрамни тәбрикләш паалийитигә қатнишиватқан хитайдин кәлгән саяһәтчиләрниң алаһидә диққитини тартқан.
Намайиш шу йәр вақти әтигән саәт он йеримдин он икки йеримға қәдәр икки саәт давам қилған болуп, намайишқа бир қисим алий мәктәпләрниң профессорлири вә наһа шәһиридики анилар вәкили, 80 яшлиқ момай нохара ханимму қатнашқан вә сөз қилған.
Юқириқи аваз улинишидин тәпсилатини аңлаң.
Көп көрүлгән хәвәрләр
RFA
- Шинҗаң һөкүмити йеқинда тәмбур чалған уйғур қизниң видийосини тартқан хитай сәнәткарни җазалиған
- Хитай һөкүмити уйғур сәнәткарларни явропада оюн қойғузуп уйғур ирқий қирғинчилиқини ююшқа урунған дәп әйибләнмәктә
- Америка һөкүмити әкпәр әсәтниң тутқун қилинғанлиқиниң 9-йиллиқида униң қоюп берилишини тәләп қилди
- Хитайниң юқири дәриҗилик әмәлдари уйғур районида хитай тилини кеңәйтиш вә терроризмға қарши турушқа чақириқ қилди
- Шивитсийә һөкүмити хитай үчүн җасуслиқ қилған дәп әйиблигән бир уйғурни тутуп җиддий тәкшүрмәктә