Литва хитайниң шәрқий явропада қурған 17 +1 топидин чекинип чиққан

Мухбиримиз мәмәтҗан җүмә
2021-05-23
Share
Литваниң җасарити вә явропаниң һәйранлиқи Литваниң клайпеда портидики маллар. 2020-Йили 22-сентәбир.
AFP

Литва ташқи ишлар министириниң "POLITICO" гезитигә ейтишичә, литва хитайниң шәрқий явропадики 17 +1 топидин чекинип чиққан вә мәзкур топқа әза башқа явропа иттипақи әллириниму шундақ қилишқа дәвәт қилған.

Литва ташқи ишлар министири габриелиус ландсбергис "POLITICO" ға йоллиған елхетидә: "әмәлий еһтияҗ түпәйли литваниң хитайниң 17 + 1 топидин чиқип кәткән" ликини ейтқан.

Хәвәргә қариғанда ландсбергис, явропа иттипақидики башқа дөләтләрниму бейҗиңниң бу тәшәббусидин ваз кечишкә чақирған. У мундақ дегән: "бизниң қаришимизчә, һазир явропа иттипақиниң бөлүнгән 16 + 1 әндизисидин ваз кечип, техиму иттипақлишидиған һәмдә техиму үнүмлүк 27 + 1 гә қарап силҗийдиған пәйт кәлди. Әза дөләтләрниң һәммиси явропа иттипақиниң башқа органлири билән бирликтә һәрикәт қилғандила, явропа иттипақи техиму күчийиду."

Хитайниң явропа әллири иттипақидики баянатчиси литва бу һәрикитидин хәвәрсиз икәнликини билдүргән.

Мәлум болушичә, литва бу һәрикити хитай билән явропа иттипақи мунасивәтлириниң күнсери яманлишиватқанлиқини намаян қилидикән.

Пәйшәнбә күни, явропа парламенти беләт ташлап, хитайниң уйғурларға қаратқан бастуруш сиясити сәвәблик явропа иттипақиниң хитай билән болған мәбләғ селиш келишимини тоңлатқан.

Униңдин башқа, литва парламенти 20-май хитай һөкүмитиниң уйғурларға қаратқан бастуруш сиясәтлириниң характерини рәсмий һалда "инсанийәткә қарши җинайәт" вә "уйғур қирғинчилиқи" дәп бекиткәниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт