ماركو رۇبىئو: خىتاي ھاكىمىيىتى ئۇيغۇرلارغا، باشقا مىللەتلەرگە قارشى ئىرقىي قىرغىنچىلىق قىلماقتا

مۇخبىرىمىز جۈمە
2020-11-01
Share
marco-rubio-2019-yighin.jpg ئامېرىكا كېڭەش پالاتاسىنىڭ ئەزاسى ماركو رۇبيۇ ئەپەندى يىغىندا سۆزلىمەكتە. 2019-يىلى 4-ئاپرېل، ۋاشىنگتون.
REUTERS

ئامېرىكا كېڭەش پالاتاسى ئەزاسى ماركو رۇبىيو خىتاي ھاكىمىيىتىنىڭ ئۇيغۇر ۋە باشقا مىللەتلەرگە قىلغان مۇئامىلىسىنى «ئىرقىي قىرغىنچىلىق» دەپ بېكىتىش قارار لايىھەسىنى قوللايدىغانلىقىنى بىلدۈرگەن.

ئامېرىكا كېڭەش پالاتا ئەزاسى جون كورنىن بۇ ھەپتە كېڭەش پالاتا ئەزالىرىدىن رۇبىيو، جىم رىچ ۋە بوب مېنېندېزنىڭ قوللىشىغا ئېرىشكەن بىر قارار لايىھەسىنى تونۇشتۇرغان ئىدى.

«فىلورىدا كۈندىلىك خەۋەرلەر تورى» نىڭ بىلدۈرۈشىچە، رۇبىيونىڭ ئىشخانىسى بۇ ھەقتە توختىلىپ مۇنداق كۆرسەتكەن: «قارار لايىھەسى 1948-يىلدىكى ب د ت نىڭ ئىرقىي قىرغىنچىلىقنىڭ ئالدىنى ئېلىش ۋە جازالاش ئەھدىنامىسى بويىچە خىتاينى جاۋابكارلىققا تارتىشنى تەلەپ قىلىدۇ ۋە خەلقئارانىڭ بىرلىكتە ئىنكاس قايتۇرۇپ، بۇ زىيانكەشلىكلەرنى توختىتىشقا چاقىرىدۇ.»

رۇبىيو بۇ ھەپتە، خىتاي ھۆكۈمىتى ۋە خىتاي كومپارتىيەسىنىڭ ئۇيغۇر ۋە باشقا ئاز سانلىق مىللەتلەرگە قارىتىلغان قەبىھ جىنايى قىلمىشلىرىغا ئائىت دەلىل-ئىسپاتلارنىڭ كۈنسايىن دۆۋىلىنىپ بېرىۋاتقانلىقىنى، بۇ جىنايەتلەرنىڭ ماھىيىتىنى ئېنىق بىلىشنىڭ زۆرۈرلۈكىنى بىلدۈرگەن ئىدى.

بوب مېنېندېزمۇ «خىتاينىڭ ئۇيغۇرلارغا قارشى ئىرقىي قىرغىنچىلىق قىلىۋاتقانلىقىدا شەك يوق» لىقىنى بىلدۈرگەن ئىدى. 

قارار لايىھەسى كېڭەش پالاتاسىنىڭ تاشقى مۇناسىۋەتلەر كومىتېتىغا ئەۋەتىلگەن بولۇپ، ئۇنىڭ نۆۋەتتىكى ئەھۋالى ھازىرچە نامەلۇم.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت