Meshhur edib abduréhim ötkür chongqur yad étilmekte

Ixtiyariy muxbirimiz pida'iy
2016.10.05
abdurehim-otkur 20-Esir Uyghur edebiyatidiki eng talantliq yazghuchilarning biri abduréhim ötkür. (1923-1995)
RFA/Qutlan


Bügün, 2016 - yili, 10 - ayning 5 - küni Uyghur yéqinqi zaman tarixida qimmetlik eserliri we mol - hosulluq xizmetliri bilen da'im yad étilip turidighan, Uyghur edebiyatida muhim orun tutidighan dangliq edib, qimmetlik edebiy mirasliri bilen Uyghurlarning qelb töridin chongqur orun alghan abduréhim ötkür ependi wapatining 21 yilliqi.

U, 1923 - yili tughulghan bolup, chaghdashliri arisida alahide közge körün'gen alim idi. U 1995 - yili 10 - ayning 5 - küni wapat bolghanda, pütün Uyghur xelqi arisida “Alim öldi, alem öldi” dégen hesretlik sadalar lerzige kelgen idi.

Aridin 21 yil ötken bolsimu, merhumning öz hayatigha körsetken tesirliri, untulmas eslimiliri we tesir - tuyghulirini özi bilen bille yashnitip kéliwatqan chet'ellerdiki bir qisim Uyghurlar merhumni eslep, ziyaritimizni qobul qildi.
abdurehim-otkur-150.jpg
Eyni chaghda merhum abduréhim ötkür ependining telimidin behr alghan hazir dunya Uyghur qurultiyining katipliqini qiliwatqan dolqun eysa ependi merhumgha munasiwetlik eslimilirini radi'o anglighuchilirimiz bilen ortaqlashti.

U özining eyni dewrde abduréhim ötkür ependidin anglighan bir sözni hazirghiche hemrah qilip kéliwatqanliqini bayan qildi.

Türkiyediki tedbir shirkitining qurghuchiliridin abdu'éziz beshtoghraq ependimu merhum abduréhim ötkür ependige munasiwetlik eslimilirini we özige qilghan tesirini bayan qildi.

Eyni chaghda abduréhim ötkür ependining shé'irlirining awazliq nusxiliridin milliy tuyghuliri kücheygen gollandiyediki abdusalam ghéni ependi özining ghulja diyaridiki chaghlirida merhumning eserlirini anglap yürgenlirini éytti.

Gollandiyediki diniy ziyaliy hüseyin tejelli ependi ötkür ependining xizmetliri we emgeklirige yuqiri baha bérip, merhumni töhpilirini tilgha aldi.

Hazir amérikida yashawatqan Uyghur pa'aliyetchiliridin gheyretjan rozi ependi merhumning depne qilin'ghan chaghdiki menzirilerni we kéyinki zaratgahliq ziyaritidiki körgenliridin merhumning aliyjanabliqini we xelqperwerlikini teriplidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.