D u q qurulghanliqining 15 yilliqini xatirilesh pa'aliyiti ötküzüldi

Ixtiyariy muxbirimiz ekrem
2019-02-26
Élxet
Pikir
Share
Print
D u q qurulghanliqining 15 yilliqini xatirilesh pa'aliyitide d u q re'isi dolqun eysa ependi we bashqa xadimliri. 2019-Yili féwral, gérmaniye.
D u q qurulghanliqining 15 yilliqini xatirilesh pa'aliyitide d u q re'isi dolqun eysa ependi we bashqa xadimliri. 2019-Yili féwral, gérmaniye.
RFA/Ekrem

D u q qurulghanliqining 15 yilliqini xatirilesh pa'aliyitide milliy dewaning tereqqiyat tarixi we jaza lagérliri mesilisi anglitildi.

D u q qurulghanliqining 15 yilliqi munasiwiti bilen qurultay re'isi dolqun eysa ependi 24-féwral küni myunxénda gérmaniyediki Uyghur jama'itini chay söhbitige teklip qildi. Pa'aliyetke d u q ning merkezdiki rehberliri, qurultayning qurghuchiliri bolup100 din artuq kishi qatnashti.

Bu pa'aliyet sherqiy türkistanning istiqlal marshi bilen bashlandi. D u q mu'awin re'isi perhat muhemmidi ependi pa'aliyetke riyasetchilik qildi. U sözide, d u q ning qurulushi üchün hessiler qatqan myunxéndiki Uyghur jama'itige qurultay namidin rehmetlirini bildürdi.

D u q re'isi dolqun eysa ependi échilish nutqini sözlidi. Dolqun eysa ependidin kéyin sözge teklip qilin'ghan d u q ning sabiq re'isi we qurghuchiliridin biri bolghan erkin aliptékin ependi sehnige chiqip, d u q ning qurulush tarixi heqqide qisqiche melumatlar bérip ötti. Erkin aliptékin ependidin kéyin "Ilham toxti guruppisi" ning re'isi enwerjan ependi qurultaygha tekliplirini sundi.

Pa'aliyet jeryanida d u q ning merkezde xizmet qilidighan ma'ashliq we teshkilatqa xalis yardemde bolup kéliwatqan hersahe xadimliri sehnige teklip qilinip Uyghur jama'itige tonushturuldi.

Qurultayning programma yétekchisi pitir irwin ependi sözge chiqqanda, d u q ning 2017-yilidin buyan b d t da élip barghan pa'aliyetliridin melumatlar berdi. Uning arqidin sözge teklip qilin'ghan qurultayning yawropa parlaméntidiki xizmetchisi rayin ependi söz élip, d u q ning yawropa ittipaqidiki pa'aliyetlirini tonushturup ötti.

D u q qurulghanliqining 15 yilliqini xatirilesh pa'aliyitining sahibxaniliqini gérmaniyening myunxén shehiridiki "Teklimakan Uyghur réstorani", "Qeshqer Uyghur réstorani", "Tengritagh Uyghur réstorani", "Ümid soda sariyi" qatarliq tijaret orunliri üstige alghan bolup, ular méhmanlar sheripige ta'amlar teqdim qildi.

Pa'aliyet xatimiside qurultay re'isi dolqun eysa ependi yépilish nutqi sözlep, Uyghur jama'itini milliy dewani, d u q ni maddiy we meniwi tereplerdin qollashqa chaqirdi.

Toluq bet