Голландийәдә өткүзүлгән уйғурларниң халисанә елим-сетим паалийити көрүнәрлик үнүмгә еришти

Ихтиярий мухбиримиз пидаий
2016-10-12
Share

Голландийәдики явропа шәрқий түркистан маарип җәмийити иқтисадий кирим вә мәниви үнүм һасил қилиш мәқситидә 10‏-айниң 8-9-күнлири кәрмис, йәни халисанә елим-сетим йәрмәнкиси паалийити тәшкиллигән иди. Паалийәт тәшкиллигүчиләр өзлириниң бу паалийитиниң көрүнәрлик үнүмгә еришкәнликини билдүрүшти.

Шәнбә, йәкшәнбилик арам елиш күнлирини мәнилик вә әһмийәтлик өткүзүшни арзу қилған голландийәдики уйғурлар, мәзкур җәмийәтниң иш-паалийәтлирини қоллаш йүзисидин, йирақ-йеқинлардин алайитән келип, 2‏-қетимлиқ кәрмис (халисанә елим-сетим йәрмәнкиси‏) паалийитигә иштирак қилғаниди.

Бу голландийәдики явропа шәрқий түркистан маарип җәмийитиниң бу йил киргәндин бери елип барған 2‏-қетимлиқ кәрмис паалийити болуп, биринчи қетимлиқ кәрмис паалийити 5‏-айларда ғәлибилик өткүзүлгән иди. Бу паалийәт у чағдиму голландийәдики вәтәндашларниң қизғин қоллишиға еришкән вә бу паалийәтни тәкрар тәшкилләшкә нийәт бағланған иди. Игилишимизчә; бу җәмийәт бир қанчә күнлүк җапалиқ хизмәтләрниң нәтиҗисидә бәлгилик иқтисадий үнүмгә еришипла қалмай, иштиракчи амминиң яхши баһасиға еришиштәк қош үнүм һасил қилған.

Зияритимизни қобул қилған мәзкур җәмийәтниң мәсуллиридин обулқасим абдуләзиз әпәнди, һүсәййин тәҗәллий әпәнди вә абдурахман қари һаҗимлар бу паалийәт мунасивити билән соаллиримизға җаваб бәрди вә бу йилға тәвә елип берилидиған йеңи хизмәтлири тоғрисидиму мәлумат бәрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт