Gollandiyede ötküzülgen Uyghurlarning xalisane élim-sétim pa'aliyiti körünerlik ünümge érishti

Ixtiyariy muxbirimiz pida'iy
2016-10-12
Share

Gollandiyediki yawropa sherqiy türkistan ma'arip jem'iyiti iqtisadiy kirim we meniwi ünüm hasil qilish meqsitide 10‏-ayning 8-9-künliri kermis, yeni xalisane élim-sétim yermenkisi pa'aliyiti teshkilligen idi. Pa'aliyet teshkilligüchiler özlirining bu pa'aliyitining körünerlik ünümge érishkenlikini bildürüshti.

Shenbe, yekshenbilik aram élish künlirini menilik we ehmiyetlik ötküzüshni arzu qilghan gollandiyediki Uyghurlar, mezkur jem'iyetning ish-pa'aliyetlirini qollash yüzisidin, yiraq-yéqinlardin alayiten kélip, 2‏-qétimliq kermis (xalisane élim-sétim yermenkisi‏) pa'aliyitige ishtirak qilghanidi.

Bu gollandiyediki yawropa sherqiy türkistan ma'arip jem'iyitining bu yil kirgendin béri élip barghan 2‏-qétimliq kermis pa'aliyiti bolup, birinchi qétimliq kermis pa'aliyiti 5‏-aylarda ghelibilik ötküzülgen idi. Bu pa'aliyet u chaghdimu gollandiyediki wetendashlarning qizghin qollishigha érishken we bu pa'aliyetni tekrar teshkilleshke niyet baghlan'ghan idi. Igilishimizche؛ bu jem'iyet bir qanche künlük japaliq xizmetlerning netijiside belgilik iqtisadiy ünümge érishipla qalmay, ishtirakchi ammining yaxshi bahasigha érishishtek qosh ünüm hasil qilghan.

Ziyaritimizni qobul qilghan mezkur jem'iyetning mes'ulliridin obulqasim abdul'eziz ependi, hüseyyin tejelliy ependi we abduraxman qari hajimlar bu pa'aliyet munasiwiti bilen so'allirimizgha jawab berdi we bu yilgha tewe élip bérilidighan yéngi xizmetliri toghrisidimu melumat berdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet