Uyghur müzikant güldiyar tengritaghlining tunji CD pilastinkisi türkiyede sétilishqa bashlidi

Muxbirimiz erkin tarim
2015.07.31
Share on WhatsApp
Share on WhatsApp
guldiyar-tenghritaghliq-tangritagli-turkiye.jpg Uyghur müzikant güldiyar tengritaghli
RFA/Erkin Tarim


Talantliq Uyghur muzikant, istanbul mimar sinan üniwérsitéti sen'et fakültiti oqutquchisi güldiyar tengritaghli xanimning “Raxmaninof anatoli'an projékt” namliq CD pilastinkisi pütün türkiyediki kitabxana we müzika magizinlirida sétilishqa bashlidi. U, dunyagha tonulghan meshhur tatar kompozitor, müzikant raxmaninofning 12 parche esirini pi'anino bilen ijra qilip CD pilastinka qilip chiqarghan. U, hazirghiche awistriye, gérmaniye we türkiye qatarliq döletlerde köp qétim pi'anino konsérti qoyghan bolup, muzikantlarning yaxshi bahasigha érishmekte.

Güldiyar tengritaghli xanim 1986 - yili 6 - ayning 5 - küni qumulda tughulghan bolup, 5 yash waqtida türkiyige kelgen. Bashlan'ghuch, ottura mektepni istanbulda püttürgendin kéyin, aliy netije bilen istanbul mimar sinan uniwérsitétining sen'et fakultétigha oqushqa ötüp aliy netije bilen püttürgen. Kéyin awstriyede magistir oqughan. 2014 - Yili mimar sinan üniwérsitéti sen'et fakültétida oqutquchiliq qilishqa bashlighan. U, 17 yildin béri muzika kespi bilen shughulliniwatqan bolup, hazir Uyghurlarning klassik muzikilirini notigha élish ishi bilenmu shughullanmaqta.

Klassik muzika saheside yaxshi netijilerni qolgha keltürgen yash talantliq muzikant güldiyar tengritaghli xanim qandaq qilip bundaq aliy netijilerni qolgha keltürelidi, tunji CD pilastinkisini qandaq chiqardi dégen'ge oxshash témilarda köz qarishini élish üchün uning bilen söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.