Milletperwer zat haji abdulmijit qeshqerli 80 yashta istanbulda alemdin ötti

Ixtiyariy muxbirimiz erkin tarim
2015-05-28
Share
haji-abdulmijit-qeshqerli-305.jpg Milletperwer zat haji abdulmijit qeshqerlining jinaza namisidin körünüsh. 2015-Yili 25-may, istanbul.
RFA/Erkin Tarim

Milletperwer, saxawetchi Uyghur ziyaliysi haji abdulmijit qeshqerli ependi 25-may küni istanbul zeytinburnidiki öyide alemdin ötti.

26-May seyshenbe küni istanbulning fatih rayonidiki xas odajibashi meschitide merhumning namizi chüshürülgendin kéyin zeytinburnidiki yéngiqozlu qebristanliqida yerlikke qoyuldi.

Wetenperwer, saxawetchi Uyghur ziyaliysi haji abdulmijit qeshqerli 1935-yili qeshqer artushning meshhet dégen jayida dunyagha kelgen. Bashlan'ghuch we toluqsiz ottura mektepni atushta püttürgendin kéyin, dadisi bilen tijaretke bashlighan. Kéyin, ürümchige kélip aptonom rayonluq tijaret mektipide oqughan. Medeniyet inqilabi mezgilide milletchi qalpiqi bilen türmide yatqan. 1984-Yili türkiyege kelgen.

Bir mezgil merhum eysa yüsüp aliptékin qurghan neshriyat merkizide ishligen. 2005-Yili yurtigha qaytqanda xitay j. X idarisi teripidin tutup, soraqqa tartilghan. Istanbuldiki Uyghur ziyaliysi hamut göktürkning éytishiche, xitayda soraqqa tartilghandin kéyin palech bolup qalghan bolup, 10 yildin béri dawalan'ghan bolsimu dawalash ünüm bermey alemdin ötken.

Wetenperwer saxawetchi Uyghur ziyaliysi abdulmijit qeshqerli ependi ömrining axirighiche Uyghur dewasi üchün küresh qilghan. U, Uyghur oqughuchilarning türkiyede oqushi üchünmu köp küch chiqarghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet