Истанбулдики бир толуқ оттура мәктәптә уйғурларға аит икки лексийә берилди

Мухбиримиз әркин тарим
2016-05-28
Share
istanbul-eyup-anotoliye-ottura-mektep-dokilat.jpg Әюп анатолийә толуқ оттура мәктипидә уйғурлар тоғрисида доклат
RFA/Erkin Tarim


Истанбулниң әң муһим мәркизий вә тарихий районлиридин бири болған әюп райониға җайлашқан әюп анатолийә толуқ оттура мәктипидә 27 - май күни арқа - арқидин икки қетим "шәрқий түркистанниң өтмүши вә бүгүни" темисида доклат бериш йиғини өткүзүлди.

Мәзкур толуқ оттура мәктәпниң тәлипи, мәркизи истанбулда турушлуқ яшлар вәхпи билән һамлә уюшмисиниң қоллиши билән 2016 - йили 5 - айниң 26 - күни саәт он бирдин чүштин кейин иккигичә икки қисимға бөлүп елип берилған паалийәткә оқутқучи вә оқуғучилардин болуп җәмий 400 әтрапида киши иштирак қилди.

Мәзкур доклат бериш йиғинида шәрқий түркистан вәхпиниң сабиқ рәиси, тәтқиқатчи һамут гөктүрк әпәнди "шәрқий түркистанниң өтмүши вә бүгүни" темисида доклат бәргән. У, доклатида нуқтилиқ һалда уйғурларниң тарихи һәққидә қисқичә мәлумат бәргәндин кейин, уйғурларниң һазирқи сиясий, иқтисадий, маарип вә диний вәзийити тоғрисида мәлумат бәрди.

Һамут гөктүрк әпәнди уйғурларниң һазирқи вәзийити әкс әттүрүлгән рәсимләрни көрситиш арқилиқ аңлатқан доклатида алди билән хәритә арқилиқ уйғур дияриниң җуғрапийилик алаһидилики, йәр асти вә йәр үсти байлиқлири һәққидә қисқичә мәлумат бәрди. У сөзиниң ахирида бу йиғинни уюштурған мәктәп мудири вә оқуғучиларға рәһмәт ейтқандин кейин, яш оқуғучиларни шәрқий түркистан дәвасини қоллап қуввәтләшкә чақирди.

Йиғин ахирида һамут гөктүрк әпәнди оқуғучиларға абдулһеким бақи илтәбир әпәнди язған "әркинлик истигән ана рабийә қадир" намлиқ китабни тарқитип бәрди.

Йиғин ахирлашқандин кейин йиғинни уюштурған әюп анатолийә толуқ оттура мәктипи оқуғучилар башлиқи гизәм дик зияритимизни қобул қилип, доклат бериш йиғининиң наһайити яхши өткәнликини, оқуғучиларниң уйғурлар тоғрисида болупму уйғурларниң һазирқи вәзийити тоғрисида йеңи мәлуматларға игә болғанлиқини баян қилди.

Гизәм дик ханим бундин кейин толуқ оттура мәктәп оқуғучилириға изчил һалда шәрқий түркистан тоғрисида доклат бериш йиғинлири уюштуридиғанлиқини тәкитлиди.

Кейинки йилларда түркийәниң истанбул, әнқәрә, қәйсәри вә аданаға охшаш чоң шәһәрлиридә пәқәтла университетларда уйғурлар тоғрисида доклат бериш йиғини уюштурулупла қалмастин, бәлки йәнә толуқсиз вә толуқ оттура мәктәпләрдиму доклат бериш йиғинлири өткүзүлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт