"Bext-sa'adetning 40 rétsépi" dégen kitab neshrdin chiqti

Ixtiyari muxbirimiz arslan
2017-06-02
Share
kitap- 40 -retsip Kitabning muqawisi
RFA/Arslan

Yéqinda "Bext-sa'adetning 40 rétsépi" dégen kitab istanbulda neshr qilindi. Bu kitabni se'udi erebistanda yashawatqan Uyghur yazghuchi muhemmed yüsüp ependi yézip neshrge teyyarlighan bolup, kitab istanbuldiki teklimakan Uyghur neshriyati teripidin neshr qilindi.

308 Betlik bu kitab her xil renglik resimlerni öz ichige alghan bolup, kitabta, bext-sa'adet dégen néme? her ishta ümidwar bolush, sewirchanliqni adet qilish, qana'etlinerlik bilen yashash, shöhretpereslikke bérilmeslik, hayatni yéngilap turush, epuchan bolush, wapadarliqni dost tutush, waqitni ching tutush, qelbni saghlamlashturush, kitabni ülpetke aylandurush. Semimiy tenqidni aktipliq bilen qobul qilish dégen'ge oxshash 40 témida toxtilip, her bir téma üchün birdin rétsép yézip qaldurghan.

Bu kitab kishilerning meniwi jehettiki teshnaliqini qandurghusi...

Kitabning arqa muqawisigha mundaq yézilghan: "Bext-sa'adet dégen meniwiyetke te'elluq uqum bolup, uni köz bilen körgili, taraza bilen ölchigili bolmaydu. Uni bayliq kanliridin we yaki orda xeziniliridin tapqili bolmaydu.

Uni pulgha sétiwalghili téximu bolmaydu. Bext-sa'adet shundaq nersiki, insan uni turmushning hemme terepliride hés qilip tengdashsiz lezzetke tolidu. U dilning arami, wijdanning rahiti, köngülning shadliqidur. Uninggha érishken kishi qelbning eng chongqur qatlamlirida wayigha yetken azadliq we huzurni hés qilidu. Bext‏-sa'adetke érishish her bir ademning birdek arzusi bolup, meyli sadda pikirlik adettiki kishiler bolsun yaki mutepekkur alim bolsun, hemme bext-sa'adetke érishishni xalaydu. Biraq bext-sa'adet dégen néme? u qeyerde? uninggha qandaq érishkili bolidu? bu kitab sizning shu so'alliringizgha jawab bérishke tirishidu."

Biz bu kitab toghrisida melumatqa érishish üchün bu kitabni neshr qildurghan teklimakan Uyghur neshriyatining mes'uli abdujélil turan bilen söhbet élip barduq.

Biz yene, bu kitabni oqup chiqqan Uyghur zhurnalist mirkamil qeshqerli bilen söhbet élip barduq. Mirkamil qeshqerli bu kitab toghrisidiki tesiratlirini sözlep berdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet