Sherq kommunistik emgekchiler uniwérsitéti - moskwaning idiyiwi terbiye merkizi

Muxbirimiz ümidwar
2013.05.06
sovet-305.png Rusiye bolshéwiklar partiyisining orghaq we bolqa belgisi
Public Domain

Rusiye bolshéwiklar partiyisi merkiziy komitétining 1921 - yili, 10 - féwral künidiki qarari we rusiye sowét sotsiyalistik fédératip jumhuriyiti pütün rusiye merkiziy ijra'iye komitétining 21 - april künidiki permanigha asasen 1921 - yili, 21 - öktebir küni moskwada sowét rusiyisidiki milletler we bashqa asiya milletliridin kélip chiqqan kommunistik inqilab rehberliri we herbiy - siyasiy kadirlirini terbiyilesh shuningdek sowét ittipaqining dunyawi tesirini ashurush üchün mexsus uniwérsitét - sherq kommunistik emgekchiler uniwérsitéti quruldi.

Bu uniwérsitét taki 1938 - yilighiche 18 yil dawamliship, dunya kommunistik inqilabi rehberliri we sowét ittipaqining her qaysi millet siyasiy kadirilirini yétishtürdi. Mezkur uniwérsitétni püttürgenler öz memliketliride kommunistik inqilab we milliy azadliq heriketlirige yétekchilik qilip, kéyinki waqitlarda öz memliketlirining dahiylirigha aylandi.

Moskwa mana bu uniwérsitétta 1920 - 1930 - yillirida qisim Uyghurlarnimu teyyarlighan bolup, ularning bir qisimi 1930 - we 1940 - yillardiki milliy inqilabqa qatnashti hem yétekchilik qildi.

Sowét ittipaqi mexsus gomindang we kompartiye üchünmu ayrim uniwérsitét qurghan hemde 1920 - 1930 - yilliri arisida 3 mingdin artuq gomindang we kompartiye herbiy - siyasiy rehbiri kadirini terbiyilep, xitaygha ewetken idi.

Tepsilatini öz muxbirimiz umidwardin anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.