Парижда өткүзүлгән түрк дуняси мәдәнийәт көргәзмисигә уйғурларму иштирак қилди

Ихтиярий мухбиримиз әркин тарим
2017-02-02
Share

2-Айниң 1-күни фирансийәниң париж шәһиридики иналко институти яни шәрқ тиллири институтида түрк дуняси күлтүр күнлири өткүзүлди.

Бу паалийәткә түркийә, қазақистан, қирғизистан, әзәрбәйҗан вә уйғур дияридин кәлгән оқуғучилар мәхсус бөлүм ечип иштирак қилған. Бу паалийәттики уйғурлар ачқан бөлүмдә уйғурларниң кийим-кечәклири, чалғу әсваблири, чәтәлдә чиқиватқан гезит-журналлар, с д пластинкилири көргәзмә қилинған. Көргәзмә җәрянида уйғур тилими өгиниватқан геремард җеремиә әпәнди уйғур мәдәнийитини тонуштурған.

Геремард җеремиә әпәнди түрк дуняси мәдәнийәт көргәзмиси тоғрисида мәлумат бәрди.

У, көргәзмидә уйғурларниң маддий мәдәнийәт буюмлиридин өрнәкләр көрситилгәнликини баян қилди.

Геремард җеремиә әпәнди көргәзмини көпрәк түркий тилларни өгинидиған оқуғучиларниң екскурсийә қилғанлиқини баян қилди.

Уйғур тили өгиниватқан геремард җеремиә әпәнди фирансузларниң көпиниң оттура асиядики түркий милләтләрдин бихәвәр икәнликини, шуңа көпрәк бу хил паалийәтләрни өткүзүш керәкликини тәкитлиди.

У, өзиниң бир қетим уйғур дияриға барғанлиқини шуниңдәк туғқан түркий тилларниң көпини өгәнгәнликини баян қилди.

Қиммәтлик радио аңлиғучилар кейинки йилларда дуняниң һәрқайси җайлиридики университетларда өткүзүлгән бу хил көргәзмиләрдә уйғурларму тонутулмақта. Буниң уйғурларни шундақла уйғурларниң маддий мәдәнийитини тонуштуруштики әһмийити немә? буниң уйғур дәвасиға қошқан төһписи қандақ? дегән соалларға җаваб тепиш үчүн давамлиқ бу хил көргәзмиләргә иштирак қиливатқан һамит гөктүрк әпәнди вә шәрқий түркистан мәдәнийәт вә һәмкарлиқ тәшкилати әнқәрә шөбисиниң сабиқ рәиси хәйруллаһ әфәндигил әпәндиләр билән сөһбәт елип бардуқ.

Һамит гөктүрк әпәнди 1985-йилидин 2000-йилларниң башлириғичә шәрқий түркистан вәхпидә вәзипә өтигән мәзгилдә түркийәдики көплигән университетларда бу хил көргәзмиләрни ачқанлиқини, буниң уйғур дәваси үчүн интайин пайдилиқ бир хизмәт икәнликини баян қилди.

Шәрқий түркистан мәдәнийәт вә һәмкарлиқ җәмийити әнқәрә шөбисиниң сабиқ рәиси хәйруллаһ әфәндигил әпәнди 2000-йилидин 2013-йилиғичә әнқәрә вә әнқәрә йеқинидики вилайәтләрдики университетларда көп санда көргәзмиләргә иштирак қилип, уйғурларниң маддий мәдәнийитини вә инсан һәқ-һоқуқлири дәпсәндичиликини рәсимләр билән көрсәткәнликини, буниң уйғурларни тонутуш үчүн интайин үнүмлүк болғанлиқини оттуриға қойди.

Қиммәтлик радио аңлиғучилар кейинки йилларда дуняниң һәрқайси җайлирида уйғур тәтқиқатиға қизиқидиғанларниң көпийишигә әгишип, америка қошма штатлири, явропа дөләтлири, оттура асия түркий җумһурийәтлири вә түркийә қатарлиқ дөләтләрдики һәр қайси университетларда уйғур мәдәнийитини тонутидиған көргәзмиләрму көпийишкә башлиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт