«Тарим ансамбили» түркий милләтләр хәлқара музика фестивалиға қатнашти

Мухбиримиз гүлчеһрә
2016-05-26
Елхәт
Пикир
Share
Принт
18-Нөвәтлик «орал муңи» намидики хәлқаралиқ түркий милләт яшлири музика фестивалиға қатнашқучилар хатирә сүрәттә. 2016-Йили май, башкурдистан.
18-Нөвәтлик «орал муңи» намидики хәлқаралиқ түркий милләт яшлири музика фестивалиға қатнашқучилар хатирә сүрәттә. 2016-Йили май, башкурдистан.
RFA

Хәлқара түркий милләтләр музика фестивали русийәдики башқурдистан җумһурийитиниң пайтәхти уфада давам қилмақта. Дуня түркий милләтләр мәдәнийәт тәшкилати болған «түрксой» ниң тәшкиллиши вә башқурдистан җумһурийитиниң саһибханилиқ қилиши билән өткүзүлгән мәзкур 18-нөвәтлик «орал муңи» намидики хәлқаралиқ түркий милләт яшлири музика фестивалиниң 1995-йилидики тунҗи қетимлиқиғиму уфа саһибханилиқ қилған иди.

2016-Йиллиқ фестивалниң түркий милләт яшлар музика көрүкигә тунҗи қетим уйғурларға вәкил болуп қазақистандики «тарим ансамбили» ниң артислиридин полат һезимоф вә амир һейтбақийефлар қатнашмақта.

Башқурдистан учур агентлиқниң хәвәр қилишичә, 26‏-май күни башланған фестивалниң 3 күнлүк бу чоң типтики көрүкигә русийәниң он районини өз ичигә алған җәмий 16 дөләт вә райондин 70 нәпәр яш түркий милләт артиси қатнишип, өз номурлирини көрситидиған болуп, булар қатарида яш нахшичи амир һейтбақийеф қатарлиқлар уйғур нахша, музикилирини уфа шәһири сәһнисидә яңритиду.

Юқиридики аваз улиниши арқилиқ, башқурдистан пайтәхти уфадики фестивалға қатнишиватқан «тарим ансамбили» артислири полат һезимоф вә амир һейтбақийефлар билән мухбиримизниң елип барған сөһбитигә диққәт бәргәйсиләр.

Пикирләр (0)
Share
Толуқ бәт