"Tarim ansambili" türkiy milletler xelq'ara muzika féstiwaligha qatnashti

Muxbirimiz gülchéhre
2016-05-26
Share
tarim-ansambili-oral-mungi-festiwali.jpg 18-Nöwetlik "Oral mungi" namidiki xelq'araliq türkiy millet yashliri muzika féstiwaligha qatnashquchilar xatire sürette. 2016-Yili may, bashkurdistan.
RFA

Xelq'ara türkiy milletler muzika féstiwali rusiyediki bashqurdistan jumhuriyitining paytexti ufada dawam qilmaqta. Dunya türkiy milletler medeniyet teshkilati bolghan "Türksoy" ning teshkillishi we bashqurdistan jumhuriyitining sahibxaniliq qilishi bilen ötküzülgen mezkur 18-nöwetlik "Oral mungi" namidiki xelq'araliq türkiy millet yashliri muzika féstiwalining 1995-yilidiki tunji qétimliqighimu ufa sahibxaniliq qilghan idi.

2016-Yilliq féstiwalning türkiy millet yashlar muzika körükige tunji qétim Uyghurlargha wekil bolup qazaqistandiki "Tarim ansambili" ning artisliridin polat hézimof we amir héytbaqiyéflar qatnashmaqta.

Bashqurdistan uchur agéntliqning xewer qilishiche, 26‏-may küni bashlan'ghan féstiwalning 3 künlük bu chong tiptiki körükige rusiyening on rayonini öz ichige alghan jem'iy 16 dölet we rayondin 70 neper yash türkiy millet artisi qatniship, öz nomurlirini körsitidighan bolup, bular qatarida yash naxshichi amir héytbaqiyéf qatarliqlar Uyghur naxsha, muzikilirini ufa shehiri sehniside yangritidu.

Yuqiridiki awaz ulinishi arqiliq, bashqurdistan paytexti ufadiki féstiwalgha qatnishiwatqan "Tarim ansambili" artisliri polat hézimof we amir héytbaqiyéflar bilen muxbirimizning élip barghan söhbitige diqqet bergeysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet