Qazaqistanda qazaq sha'iri jambul Uyghur oqughuchilargha tonushturulmaqta

Ixtiyariy muxbirimiz oyghan
2016.02.26
Share on WhatsApp
Share on WhatsApp
qazaqshairi-jambul.jpg Qazaq sha'iri jambulning heykili
Photo: RFA

Melumki, qazaq xelqining ulugh sha'iri jambul yüz yilgha yéqin waqit ömür sürgen bolup, ijadiyitining deslepki yilliri u “Suranshi batur”, “Ötégén batur”, “Xan we sha'ir”, “Hurun heqqide chöchek” qatarliq eserlerni yazghan. Uning ijadiyitining asasiy qismi sowét dewride ötken idi.

Jambulning qebrisi hazirqi almata wilayiti jambul nahiyisining jambul yézisida orunlashqan. Sha'irning ijadiyiti heqqide her xil qarimu - qarshi pikirlerning mewjut bolushigha qarimay, uning ismini ebediyleshtürüsh meqsitide hem sowét dewride, hem hazirqi musteqilliq dewride intayin köp xizmetler ishlen'gen idi.

Bügünki künde memliketning jenubigha orunlashqan taraz shehiri 1938 - yildin ta 1997 - yilghiche jambulning ismi bilen atalghan. Buningdin tashqiri qazaqistanning köpligen sheher we yézilirida uninggha heykeller ornitildi, köpligen muzéylar, sen'et dergahliri, mektepler, kochilar shuning ismida atilidu. Hazir, mesilen, rusiyening moskwa, sankt - pétérburg, wolgograd, nowosibirsk, xabarowsk qatarliq sheherliridimu uning namida kochilarni uchritishqa bolidu.

Uyghur tilida bilim bérilidighan mekteplerdiki edebiyat dersliride jambulning hayati we ijadiyiti mexsus oqutulidu. Uning tewellutliri munasiwiti bilen mekteplerde her xil pa'aliyetler pat - patla ötküzülüp, ularda peqet sha'ir ijadiyiti heqqidila söz bolmay, belki xeyrxahliq ishlirimu yürgüzülmekte.

Radi'omiz ziyaritini qobul qilghan yazghuchi isma'iljan iminof we zhurnalist göherbüwi isma'iljanowa bu heqte öz qarashlirini otturigha qoydi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.