Qazaqistan boyiche ötküzülgen sen'et körikide Uyghurlar 1 - derijilik mukapat aldi

Ixtiyariy muxbirimiz oyghan
2016-05-22
Élxet
Pikir
Share
Print
"Weten" usulchilar ansambili
"Weten" usulchilar ansambili
RFA/Oyghan

Qazaqistanning almata shehiridiki oqughuchilar sariyida 14 - we 15 - may künliri "Erliki - elge miras" namliq jumhuriyetlik féstiwal bolup ötti. "Atidin miras" xeyrxahliq fondi uyushturghan bu pa'aliyetke memliketning her qaysi sheherliridiki mekteplerde bilim éliwatqan oqughuchilar we sen'et ömekliri qatnashqan bolup, ular öz hünerlirini her qaysi sahelerde sinidi. Igilishimizche, uning yash qatnashquchiliri köpligen tamashibinlar we qazilarni qayil qilghan bolup, her xil derijilik mukapatlargha érishken.

"Weten" ussulchilar ansambili hazir almata wilayiti talghir nahiyisining beshyaghach mehelliside bir yil mabeynide pa'aliyet élip bériwatmaqta. Biz bu ansambilning qurulush sewebliri we utuqliri heqqide uning rehbiri perhat duganof bilen söhbet élip barduq.

—Yéqinda almatada ötken féstiwalgha qaysi yerlerdin qatnashti?

—Bu qétimda almata shehiridiki oqughuchilar sariyida ötken "Erliki - elge miras" féstiwaligha qazaqistanning nurghunlighan sheherliridin oqughuchilar qatnashti. U yerde on beshke yéqin ussul ansambilliri boldi. Uyghur ansambilliridin peqet biz bolduq.

—Silerning bu ussul ansambilini qurushtiki meqsitinglar néme?

—Ansambilning nami "Weten". Weten némini chüshendüridu dések, uni hemme yaxshi bilidu. Bizning meqsitimiz Uyghur sen'itini dunyagha tonutush. Hazir nurghunlighan balilirimiz sen'etni, muqamni, naxshilarni uqmaydu. Bizning meqsitimiz ene shularni chüshendürüp, arqimizda shagirt qaldurush.

Her millet wekilliridin terkib tapqan sen'et guruppiliri we yekke sen'etchilerning orunlishidiki naxsha we ussullar féstiwal méhmanliriningmu könglidin chiqqan. Shulardin biri ustaz élmira za'irowaning éytishiche, peqet ussul boyiche musabiqige qatnashqan 18 ansambilning ichidin "Weten" topi tallinip, uninggha féstiwalning bash mukapati bérilgen. U, uzun tarixqa we bay medeniyetke ige Uyghurlarning ezeldinla sen'etxumar xelq bolup, ata—anini hörmetlesh, balini durus terbiyilesh, millitini, wetinini söyüshke oxshash ishlargha köp köngül bölüp kelgenlikini tekitlidi.

U mundaq dédi: "Ustaz bolghanliqtinmu, yurtdashlirimning qollishi bilenme, oqutuwatqan qara közlerge her qachan angliq terbiye, sapaliq bilim bérishke tiriship kéliwatimen. Shu sewebtin Uyghur balilirining égiz choqqilardin körünüshige, her qandaq medeniyet ishlirigha ülüshini qoshushigha küch salghum kélidu. Yéqinda uyushturulghan chong bir konsértqa, beygige qatnishishqa aq yol sélindi. Ötken yili beshyaghach yézisida "Irade" xelq ansambili ussulchiliri perhat duganof we kamilem kizirowa rehberlikide sen'et ömiki échilip, uninggha bizning mektep oqughuchiliri bir yil dawamida qatniship kelmekte. Balilirimiz deslep qétim mundaq chong musabiqige qatniship, alahide közge chüshti."

É. Za'irowa öz sözide shundaqla yash Uyghur sen'etchilirining ussulni yuqiri maharet bilen oynap, köpligen tamashibinlar we qazilarni qayil qilghanliqini éytip, yene mundaq dédi: "Sehnide köpligen ussullar körsitildi. 'weten' topining ussulchiliri özlirining alahidiliki bilen közge chüshti. 18 Topning ichide peqet 'weten' topida hem oghullar hem qizlar qatnashti. Ussulni bahalighan möldir yusupowa ussuldiki güzelliki, kiygen kiyimi, bir—birige béqiship oynashliri bilen közge chüshken 'weten' topigha bash mukapatni belgiliduq, dep éytti."

—Perhat duganof, siz özingizning sen'et meydanigha qandaq qilip kelgenlikingiz heqqide toxtilip ketsingiz.

—Kichikimdin tartip sen'etke bolghan köz qarishim bar idi. Alte yéshimdin tartip dadam rawab chélishni ögetti. Mektepni püttürüp, almatada murat nasirof xatirisige béghishlan'ghan musabiqide zhurgénof namidiki akadémiyige oqushqa chaqiriq alghan. Buningdin tashqiri ürümchigimu chaqiriq aldim. Méning kichikimdin wetenni körüsh arzuyum bar idi. Shu pursetni qoldin bermey, 2008 - yili yigirmige yéqin oqughuchi ürümchide bir yil sen'et mektipide oqup chiqtuq.

—Deslepki utuqlargha qachan we qeyerlerde érishtingiz?

—2009 - Yili yarkentte dilshat nasirof we süriyem hézimowa bizge bash—köz bolup, oqushni püttürüp kelgen balilar chéchilip ketmisun, artis bolup, xelqqe xizmet qilsun dep "Irade" naxsha—ussul ansambilini qurdi. Biz 2012 - yili ispaniyede, astanada, aqtöpide, 2014 - yili taldiqorghanda ötken féstiwallarda ghalip chiqtuq.

—Emdi özingizning bügünki asasiy pa'aliyitingizni tonushturup ketsingiz.

—2015 - Yildin tartip almata wilayitining beshyaghach mehelliside, biz ürümchide ögen'genlirimizni mushu yerdiki oqughuchilargha qaldurup kéteyli dégen niyet bilen yigirmige yéqin oqughuchini sehnilerge élip chiqishqa bashliduq. Balilarni 2015—yili artur ilaxunof qoyghan "Yangra, naxsham" konsértigha, 2016—yili shawket nezerofning "Shawket show" konsértigha élip chiqtuq.

Toluq bet