Yettisu Uyghurliridin chiqqan meshhur shexs awut sattarof heqqide eslimiler

Soldin onggha: hashim arziyéf, mirzigul nasirof, we awut sattarof. (Waqti we orni éniq emes)

Ötkenki esirning bolupmu 60-we 80-yillar ariliqida yettisu Uyghurliri ichidin ismi sowét ittipaqi da'irisidila emes, belki hetta pütkül dunyagha meshhur bolghan shexsler yétilip chiqqan idi.

Ular partiye, dölet, igilik, medeniyet we bashqimu sahelerde özlirining ajayip teshkilchanliq, rehberlik xisletliri bilen közge köründi. Mesilen, qazaqistanning birinchi katipi isma'il yüsüpof, sowét ittipaqi tashqi ishlar ministirliqi xadimi, meshhur diplomat robért turdiyéf, wilayetlik ichki ishlar bashqarmisi bashliqi abdullam hézbaqiyéf, shundaqla partiye we igilik rehberliri mirzigül nasirof, azad meshürof, hashim arziyéf, imer bilalof, ataqliq kompozitor quddus ghojamyarof, emgek qehrimanliri meriyem niyazowa, adalet zeynawdinof, qazaqistan xelq yazghuchisi ziya semedi we bashqilar shular jümlisidindur.

Uzun yillar mabeynide almata wilayitining chélek tewesige jaylashqan chong yézilarning biri qaraturuq igilikini bashqurghan awut sattarof yettisu Uyghurliri ichidin chiqqan meshhur shexslerning biridur. U hem sowét-gérman urushining qatnashquchisi, hem mahir we telepchan rehber, hem ajayip insan süpitide yurtdashliri we kesipdashliri arisida chong hörmetke sazawer bolghan idi.

Biz a. Sattarof heqqide uning yurtdishi, péshqedem ustaz qasim ismayilof bilen söhbet élip barduq.

Awaz ulinishidin tepsilatini anglighaysiler.