Алматада уйғур паалийәтчи абдулбари мухлисоф аләмдин өтти

Ихтиярий мухбиримиз ойған
2015-11-25
Share

-Ноябир күни алматаниң достлуқ мәһәллисидә оттура асиядики уйғур миллий һәрикитиниң актип иштиракчилиридин бири болған, атақлиқ дохтур, юрт мөтивәр абдулбари мухлисоф 81 йешида аләмдин өтти.

Абдулбари асипқан оғли мухлисоф 1934-йили уйғур елиниң чөчәк вилайитигә қарашлиқ дөрбилҗин наһийисидә дуняға кәлгән болуп, башланғуч мәктәпни, андин чөчәктики оттура мәктәпни тамамлайду. У кичикидинла тебабәтчиликкә қизиққанлиқтин 1950-йили ғулҗидики теббий мәктәптә билим алиду вә бир йилдин кейин бейҗиң теббий университетиниң давалаш факултетида билим тәһсил қилиду. Сәккиз йил мабәйнидә у бу кәсипни толуқ игиләп чиқиду. А. Мухлисоф 1962-йили қазақистанға көчүп чиқип, аягөз наһийилик мәркизий шипаханида ишләйду, 1969-йили алмата шәһиригә көчүп келип, шәһәрлик пахта, қәғәз комбинатида, андин алмата шәһәрлик 3-дохтурханида ишләйду. Кейинки йилларда у йиңнә билән давалаш саһәсидә үнүмлүк әмгәк қилиду. А. Мухлисоф 1991-йили, йәни қазақистан мустәқиллиқ алғандин кейин, өз алдиға йиңнә билән давалаш шипаханиси ечип, һаятиниң ахирқи күнлиригичә шуниңда ишләйду.

Радиомиз зияритини қобул қилған қазақистандики пешқәдәм шаирларниң бири абдуғопур қутлуқоф а. Мухлисофни әсләп, мундақ деди: “ 23-ноябир күни дружбидики уйғурлар үчүнла әмәс, пүткүл дунядики мусулман, мусапир уйғурлар үчүн чоң йоқитиш болди. Мәшһур сиясий паалийәтчи йүсүпбәк мухлисофниң иниси абдулбари мухлисоф вапат болди. Бу йоқитиш өз мустәқиллиқи йолида күришиватқан уйғур хәлқи үчүн әң чоң йоқитиш болуп һесаблиниду. Буниңдин хитай мустәмликичилири хуш болған болуши мумкин, чүнки улар көзгә қадалған бир михтин халас болди. А. Мухлисоф “ шәрқий түркистан инқилабий бирлики тәшкилати” ниң баш идеологи сүпитидә акиси йүсүпбәк мухлисофқа әгишип, уйғуристан давасини көтүргән иди. Улар ай-юлтузлуқ көк байрақ билән москваға хитай әлчиханисиниң алдиға берип, лопнур полигонини ( ядро бомба сина базиси) йепиш тоғрилиқ намайиш өткүзгән иди. У йәрдин қайтип келип, чегра бойиға, йәни қорғасқа берип, у йәрдиму ай-юлтузлуқ көк байрақни көтүрүп, хитайниң уйғуристанни атом синақ мәйданиға айландурғиниға қарши өзиниң наразилиқини билдүрди. Хитайға қарши чәтәлдә меңиватқан дәва-дәстурлири абдулбари мухлисоф сәпниң алдида йүргән иди. Биз әнә шундақ ирадилик, билимлик, вәтәнпәрвәр бир бурадиримиздин айрилип қалғинимиз үчүн худди қанитимиз қайрилип қалғандәк чоң мусибәт ичидә яшаватимиз.”

А. Мухлисоф кейинки йилларда болупму акиси, көрнәклик тарихчи вә язғучи йүсүпбәк мухлисофниң исмини әбәдийләштүрүш йолида тинмай әмгәк қилип, униң әсәрлирини қайта нәшр қилиш ишлирини актип елип барған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт