Almatada “Uyghur qelemkeshler zhurnili” ning yéngi sanliri yoruq kördi

Ixtiyariy muxbirimiz oyghan
2014.10.10
Share on WhatsApp
Share on WhatsApp
uyghur-qazaqistan-qelemkeshler-1.jpg “Uyghur qelemkeshler zhurnili” 2014-yilliq 5-sani
RFA/Oyghan


Qazaqistandiki Uyghurlarning milliy metbu'ati bezi iqtisadiy qiyinchiliqlargha qarimay, öz tereqqiyatini yenimu dawam qilip kelmekte. Kéyinki waqitlarda almatada neshr qiliniwatqan gézit we zhurnallar qataridin munasip orun élip, qisqa waqit ichide oqurmenlerning qiziqip oqushigha érishken “Uyghur qelemkeshler zhurnili” ning ene shundaq öz meblighi hésabigha chiqiwatqanliqi köpchilikke yaxshi melum. Yéqinda uning 4 - we 5 - sanliri yoruq kördi.

Bu sanlarda Uyghur klassik edebiyati wekilliridin zelili we nöbitining shé'iriy eserliri rus tilida bérilgen bolup, ularni ataqliq alim murat hemrayéf terjime qilghan. “Uyghur qelemkeshler zhurnili” ning özige xas yene bir alahidiliki shuningdiki, Uyghurlarning tarixiy wetinide ijat qilip, xelqining söyümlük perzendlirige aylan'ghan ediplerning eserliri zhurnalning hörmetlik sehipiliridin pat - pat orun élip turidu. Bu qétimda meshhur yazghuchilar abduréhim ötkürning “Iz” we zordun sabirning “Ana yurt” romanliridin üzündiler, shundaqla sha'ir ömer muhemmet'iminning shé'irliri bérilgen. Zhurnalning 4 - sanida hazir londonda istiqamet qiliwatqan, xelq'ara qelemkeshler Uyghur merkizining ezasi eziz eysaning “Boghulghan héslar”, “Bir gül échilsa”, “Seher tiniqliri”, “Xeritemde sen” qatarliq bir türküm shé'irliri élan qilin'ghan.

Elwette, “Uyghur qelemkeshler zhurnili”da asasiy orun turki jumhuriyetlerdiki Uyghur yazghuchilirining, ressamlirining, alimlirining ijadiyitige bérilgen. Bu sanlarda abliz hézim, gülbehrem xoshayéwa, sawutjan memetqulof, abduxaliq maxmudof, israyil ibrahimof, ismayiljan iminof, télman nuraxunof, gülnare a'utowa oxshash tonulghan yazghuchi we sha'irlarning ijadiyiti, xemit hemrayéf, malik mehemdinof, perhat hemrayéf we bashqilarning her xil mezmundiki maqaliliri, küresh zulpiqarof, abdukérim iysa, ruslan yüsüpof, yüsüpjan turdiyéf qatarliq ressamlarning eserliri orun alghan.

“Uyghur qelemkeshler zhurnili” 2014-yilliq 4-sani
“Uyghur qelemkeshler zhurnili” 2014-yilliq 4-sani

Ziyaritimizni qobul qilghan filologiye penlirining namzati xalminem mesimowa mezkur zhurnal heqqide toxtilip, mundaq dédi: “Kéyinki waqitlarda qazaqistan Uyghur metbu'atida bir az ilgirileshlerning yüz bériwatqanliqini bayqashqa bolidu. U bolsimu bizning ana tilimizdiki gézit we zhurnallarning köpiyishi. Egerde Uyghur oqurmenliri atmish yilgha yéqin waqit mabeynide özining üzlüksiz chiqip kéliwatqan “Kommunizm tughi” yeni hazirqi “Uyghur awazi” géziti arqiliq xelqimizning tarixi, medeniyiti, edebiyati we sen'iti, turmush - tirikchiliki we bashqimu sahelirige a'it qiziqarliq melumatlar bilen tonushup kelgen bolsa, he, sha'ir we yazghuchilirimiz öz eserlirini gézitimiz sehipiliride élan qilish pursitige ége bolup kelgen bolsa, hazir bu mumkinchilikler yene téximu kengeydi. Biz qiziqip oquydighan “Asiya bügün” géziti, “Intizar”, “Axbarat”, “Ghunche” qatarliq zhurnallar sépige mana endi yene bir neshr “Uyghur pen zhurnili” limu qoshuldi. Ular öz xirajiti bilen chiqiwatqinigha hem bashqimu köpligen qiyinchiliqlargha qarimay, mezmuni, süpiti jehettin héch bir gézit - zhurnaldin qélishmaydu. Yéqinda “Uyghur pen zhurnili” ning nowettiki törtinchi we beshinchi sanliri yoruq kördi. Ularda asasen sha'ir we yazghuchilirimizning, ressamlirimizning eserliri, alimlirimizning emgekliri, shundaqla xelqimiz éghiz ijadiyitining bay nemuniliri pat - patla bésilip turidu. Zhurnalning umumi süpitini alahide tekitligüm kélidu. Bu yerde shu zhurnalni neshrge teyyarlawatqan uning bash muherriri xemit hemrayifning we shundaqla “Mir” neshriyat öyi xadimlirining harmay izdinip, köp tirishqanliqini ochuq körüshke bolidu. Men bu zhurnalning buningdin kéyin téximu mezmunluq bolup, xelqimiz söyüp oquydighan, uning éhtiyajini qanduralaydighan zhurnal bolushini tileymen.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet